{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  •  ხარაგაულის მოსწავლე-ახალგაზრდობის სახლი

     

     

    ხარაგაულის მოსწავლე-ახალგაზრდობის სახლი (1989 წლამდე პიონერთა სახლი) გაიხსნა 1953 წლის 1 ივნისს. 2008 წელს მოსწავლე-ახალგაზრდობის სახლს მიენიჭა ნინო სახვაძის სახელი.
    ,,მოსწავლე-ახალგაზრდობის სახლის” ძირითადი მიზნები და ამოცანები:

    . მოსწავლე—ახალგაზრდობის სახლი წარმართავს სასწავლო-სააღმზრდელო მუშაობას 6 -18 წლამდე ასაკის მოსწავლეებთან.

    . ხელს უწყობს მოსწავლეთა თავისუფალი დროის სწორ ორგანიზაციას, მოზარდთა ინტერესების ყოველმხრივ განვითარებას.

    . ეწევა ფართო მასობრივ და კულტსაგანმანათლებლო მუშაობას მოსწავლე-ახალგაზრდობას შორის.

    . მჭიდრო კავშირშია საჯარო სკოლებთან და მოსწავლეთა მშობლებთან, თანამშრომლობს მათთან და ატარებს საქმიან და კულტურულ ღონისძიებებს.

    . უფლება აქვს შექმნას მუსიკალური და სხვა სახის სტუდიები.

     

     

    მოსწავლე-ახალგაზრდობის სახლი სკოლისგარეშე სასწავლო სააღმზრდელო დაწესებულებაა და დიდ როლს ასრულებს ხარაგაულელი ახალგაზრდების აღზრდის საქმეში, ხელს უწყობს მოსწავლეთა თავისუფალი დროის სწორ ორგანიზებას, მოზარდთა ინტერესების ყოველმხრივ განვითარებას.

    მოსწავლეთა სახლის კოლექტივი ბავშვთა სულიერების აღზრდას, მხატვრული გემოვნების ჩამოყალიბებას და ინტელექტუალური აზროვნების განვითარებას ემსახურება. სხვადასხვა წრეებში 370 მოსწავლეა გაერთიანებული.

    ეს წრეებია: ხალხური სიმღერა, საესტრადო სიმღერა, რიტმული ცეკვა, მხატვრული კითხვა, ხის მხატვრული დამუშავება, საგალობლები, ხელგარჯილობა, ლიტ. თეატრი, მხარეთმცოდნეობა, კომპიუტერი, ნორჩი მათემატიკოსი, ხატვა, მაკრამე, ინგლისური ენის და მუსიკალური სტუდია „ჰარმონია“ (ვოკალური განყოფილება, ფორტეპიანო, ვიოლინო).

    2010 წ. კანადის დელეგაცია რომლებიც აგროვებდნენ მსოფლიოს მასშტაბით საუკეთესო ფოლკლორულ ნამუშევრებს, ჩაწერეს მოსწავლეთა სახლის ხალხური სიმღერის(პედაგოგი ვასილ კიკნაძე) ანსაბლის ორი სიმღერა, გამოიცა დისკი, რომელიც ამჟამად ინახება მსოფლიოს ფოლკლორის მუზეუმში საფრანგეთში. ბავშვთა ხალხური სიმღერების გუნდი უკვე წლებია რესპუბლიკურ ფესტივალზე პირველობას არავის უთმობს.

    2014 წლის 1 იანვრიდან ხალხური სიმღერის ჯგუფი გაიხსნა ლეღვნის საჯარო სკოლაში (პედაგოგი ირინა შარიქაძე).

    ასევე საინტერესო და წარმატებულია საგალობლების წრის (პედაგოგი თორნიკე ბაკურაძე) მუშაობა.

     

    2007 წელს ქ. საჩხერეში გაიმართა სრულიად საქართველოს საეკლესიო საგალობლების ფესტივალი, სადაც მონაწილეობას ღებულობდა მოსწავლეთა სახლის მგალობელთა გუნდი `ნუნისი~. შეირჩა 33 საუკეთესო საგალობელი გამოიცა ბროშურა და კომპაქდისკი; მათ შორის პირველ ნომრად მოხვდნენ ხარაგაულის მოსწავლეთა სახლის მგალობელთა ბავშვები.

    გასული წლებში წარმატებული იყო ასევე საესტრადო სიმღერის წრის მუშობაც (პედაგოგი დარეჯან გვაძაბია). ესთეტიკური აღზრდის ცენტრის მიერ გამართულ რესპუბლიკურ ფესტივალში საესტრადო სიმღერის ბავშვებმა I ადგილი მოიპოვეს და ჟიურის მადლობა დაიმსახურეს.

    მოსწავლე-ახალგაზრდობის სახლში მუშაობს ხელგარჯილობის და ხეზე კვეთის წრეები (პედაგოფები: იზოლდა გველესიანი, დალი ბალხამიშვილი), ასევე მაკრამეს წრე (პედაგოგი მარინე ვეფხვაძე) პერიოდულად ეწყობა ნამუშევრების გამოფენა.

    მოსწავლეთა სახლში ფუნქციონირებს ხატვის წრე (პედაგოგი მარინე გოგია). წრეში 60 ბავშვია გაერთიანებული. დიდი ინტერესი და მოთხოვნაა წრის მუშაობის გაფართოების. სავარაუდოდ ეს იგეგმება კიცხის სკოლების ბაზაზე.

    მხარეთმცოდნეობის წრე (პედაგოგი მაკა გელაშვილი). აწყობს კონკურსებს, მონაწილეობას ღებულობს რესპუბლიკურ სასწავლო შემოქმედებით კონკურსში.

    მოსწავლე-ახალგაზრდობის სახლში ფუნქციონირებს ინგლისური ენის შემსწავლელი 3 ჯგუფი (პედაგოგი თამარ თხელიძე).

    დიდია მშობელთა ინტერესი გავზარდოთ ჯგუფის რაოდენობა ნორჩი მათემატიკოსის და ინგლისური ენის წრეებში.

    ასევე საინტერესოდ მუშაობს კომპიუტერის შემსწავლელი წრე, რომელიც ფუნქციონირებს მოსწავლეთა სახლის და ბორითის საჯარო სკოლის ბაზაზე. (პედაგოგები: TinaTin  kiknaZe და მადონა გაჩეჩილაძე). საინტერესო და შინაარსიანია ლიტ. თეატრის და მხატვრული კითხვის წრეების მუშაობა (პედაგოგები დალი შარაშიძე და თამარ გაჩეჩილაძე). მოსწავლეთა სახლში ფუნქციონირებს რიტმული ცეკვის წრე (პედაგოგი ქეთევან ხარაძე), სადაც 40 ბავშვია გაერთიანებული. ასევე ფუნქციონირებს თოჯინების თეატრი პედ. კოლექტივის მონაწილეობით. წარმოდგენილი იქნა სამი სპექტაკლი `,,მეგობრების გასაჭირი~, ,,კომბლე“ და ,,წითელქუდა“.

              ლექსო, არ დაიკარგები“ – ამ დევიზით ქუთაისის ოპერის თეატრში ფოლკლორის საღამო გაიმართა, რომელშიც ხარაგაულის მოსწავლე-ახალგაზრდობის სახლი მონაწილეობდა. მოსწავლე-ახალგაზრდობის სახლმა შეარჩია სახალხო მთქმელები – ნიკო წიკლაური და ზინაიდა ნამგალაური, რომლებიც თავიანთი კაფიებით ღირსეულად წარდგნენ მაყურებლის წინაშე.

          27 ივლისიდან 5 აგვისტომდე მოსწავლე-ახალგაზრდობის სახლში ტარდება კინოფესტივალი „სინემა“. ხარაგაულის მოსწავლე-ახალგაზრდობის სახლისა და თბილისის მოსწავლე-ახალგაზრდობის ეროვნული სასახლის ერთობლივი პროექტი. პროექტის ხელმძღვანელი სტუდია „პიონერფილმის“ დირექტორი გრიგოლ ჩიგოგიძე. პროექტში მონაწილეობას მიიღებენ თბილისელი და ხარაგაულელი მოსწავლეები.

     

         ხარაგაულის მოსწავლე ახალგაზრდობის სახლისა და საქართველოს მოსწავლე ახალგაზრდობის სასახლის ორგანიზებით გაიხსნა კინო-ქალაქი "სინემა". 10 დღის განმალობაში გადაიღებენ ახალ ფილმებს.

        კინო-ქალაქი "სინემა" საინტერესო ღონისძიებებით აგრძელებს ცხოვრებას. გვეწვივნენ რუსთავი 2-ის ჟურნალისტები. 

     

    საღამოს კი ახალგაზრდა კინო-რეჟისორი თიკო ბეკოშვილი გვესტუმრა ფილმით "მე ვარ გოდერძი ჩოხელი" .

          კინო-ქალაქი "სინემა" მოღვაწეობას აგრძელებს. "სინემას" მოქალაქეები ბორჯომ-ხარაგაულის ნაკრძალში იმყოფებოდნენ. ფილმების გადაღება გრძელდება. პრემიერა 4 აგვისტოს გაიმართება.

     

         კინო-ქალაქი „სინემა“ ბიზნესმენმა ვახტანგ ვეფხვაძემ მიწვია სოფელ საბეში მის მიერ  აღდგენილ წმიდა გიორგის სახელობის ეკლესიაში, სადაც დაესწრნენ მამა პეტრეს მიერ ჩატარებულ წირვას.

           4 აგვისტოს გაიმართა კინო ქალაქ „სინემას“ გრანდიოზული დახურვა, სადაც ნაჩვენები იქნა ბავშვების მიერ გადაღებული მხატვრული და დოკუმენტური ფილმები, სტუმრად გვეწვია ყოფილი პიონეფილმელი და საპატრიარქოს ფონდის თავმჯდომარე ლაშა ჟვანია, რომელმაც მოსწავლე-ახალგაზრდობის სახლს საჩუქრად გადასცა წმ. გიორგის ხატი.

     

     

         ხარაგაულის მოსწავლე-ახალგაზრდობის სახლის ბავშვები ესტუმრენ პიონერფილმს 

    სტუმრებს შეხვდა კომპოზიტორი ჯემალ სეფიაშვილი,

    დაესწრნენ "რუსთავი 2" გადაცემას "ბრავო" , დაათვალიერეს კინოს, მუსიკის, თეატრისა და ქორეოგრაფიის მუზეუმი.

    შეხვდნენ სპორტისა და ახალგაზრდულ საქმეთა მინისტრს ლევან ყიფიანს,

    საღამოს დაესწრნენ რუსთაველის თეატრის სპექტაკლს "12 განრისხებული მამაკაცი", სარკეებიან დარბაზში გაიმართა კონცერტი სტუმართა მონაწილეობით ნაჩვენები იქნა ახალი ფილმები.

    მოსწავლე-ახალგაზრდობის სახლის ბავშვები ავტომუზეუმს ესტუმრნენ

         მეუფე დიმიტრი საგალობლების საღამოზე მოსწავლე-ახალგაზრდობის სახლში.

     

    მოსწავლე-ახალგაზრდობის სახლის (დირექტორი მაია ბლუაშვილი) მოსწავლეთა ძალებით კონცერტი ხარაგაულის კინოთეატრში 30 დეკემბერს გაიმართა.

     

     

       მოსწავლე-ახალგაზრდობის სახლის მხატვრული კითხვის წრის ბავშვებმა ერთი ლამაზი დღე აჩუქეს თავიანთ მშობლებს.

     

     

     

    ვალუტის კურსი
    2.4864
    2.9344
    3.2753
  • ადმინისტრაციის შესახებ
    Kharagauli.ge © ხარაგაულის მუნიციპალიტეტი