{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • საბიუჯეტო ცვლილება აღნიშნული პროგრამის 13 ათასი ლარით ზრდას ითვალისწინებს

    20 ნოემბერს გამართულ ხარაგაულის მუნიციპალიტეტის საკრებულოს რიგგარეშე სხდომაზე დეპუტატებმა საბიუჯეტო ცვლილებაზე ისაუბრეს, რომლის მიხედვითაც სტიქიით დაზარალებულთა ფონდიდან 13 000 ლარი მუნიციპალიტეტში შობადობის ზრდის გამო, ახალდაბადებულ ბავშვთა ოჯახებისთვის გამოიყოფა. გამომდინარე აქედან, სტიქიით დაზიანებული სახლების მხოლოდ პირველი კატეგორიის დაფინანსება მოხდება. ფრაქცია „ერთიანი ნაციონალური მოძრაობის“ თავმჯდომარემ თორნიკე ავალიშვილმა აღნიშნული საკითხი გააპროტესტა და აღნიშნა: „ორიოდ დღის წინ, ხარაგაულში ძლიერი ნალექი მოვიდა, მოსახლეობას დაუზიანდა საცხოვრებელი სახლები და თქვენ ამ დროს მუხლში ცვლილება შეგაქვთ და სტიქიის დაზარალებულთა ფონდიდან თანხა სხვა მიმართულებით გადაგაქვთ“. საკრებულოს სხდომაზე, გამგებლის მოადგილემ დავით დევდარიანმა აღნიშნა, რომ ხარაგაულის მუნიციპალიტეტში სტიქიის შედეგად მიყენებული ზარალი კომისიამ დაითვალა და იგი 300 000 ლარზე მეტს შედგენს. „ცენტრალური ბიუჯეტიდან დაზარალებული მოსახლეობის დასახმარებლად 145 000 ლარი გამოიყოფა. მოსახლეობას მაქსიმალურად დავეხმარებით შესაძლებლობის ფარგლებში, შეკეთდება ხიდ–ბოგირები და გზები“ - აღნიშნა დავით დევდარიანმა.
    საბიუჯეტო ცვლილება, ასევე, ითვალისწინებს ა(ა)იპებისათვის სუბსიდიების გაზრდას. ა(ა)იპები შემდეგი თანხებით დაფინანსდებიან: „ხარაგაულდასუფთავება“ – 35 000 ლარი; „სკოლამდელ დაწესებულებათა გაერთიანება" – 8 000 ლარი; საფეხბურთო კლუბი „ჩხერიმელა 2009“ – 30 000 ლარი; კულტურის ცენტრი – 8000 ლარი; ,,ხარაგაულის სპორტის განვითარებისა და მართვის მუნიციპალური ცენტრი“ – 8 000 ლარი; „მოქალაქეთა ჩართულობისა და ინფორმირების ცენტრი“ 2 800 ლარი.

     

    21 ნოემბერი 2015

    ნანახია: 395 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი