ხარაგაულში ლეიკემიით დაავადებული ბავშვებისთვის სისხლი გაიღეს

14 ივნისი დონორთა საერთაშორისო დღეა. უბისისა და მარგვეთის ეპარქიის მეუფე მელქისედეკის (ხაჩიძე), ხარაგაულის საზოგადოებრივი ჯანდაცვის ცენტრისა და მუნიციპალიტეტის გამგეობის ერთობლივი ძალისხმევით ხარაგაულში, ამ დღესთან დაკავშირებით, ნატალია კვანტალიანის სახელობის სისხლის ცენტრალური ბანკი ჩამოვიდა. მოხალისეებმა სისხლი 14 ივნისს, ხარაგაულის სასულიერო გიმნაზიაში, სპეციალურად მოწყობილ ოთახში გაიღეს. ხარაგაულის საზოგადოებრივი ჯანდაცვის ცენტრიდან მიღებული ინფორმაციით, ხარაგაულელი მოქალაქეების მიერ გაღებული სისხლი, ლეიკემიით დაავადებული ბავშვების დასახმარებლად შეგროვდა.