{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • ლიტერატურული თეატრი მომავალ წელს ხარაგაულს უფრო მასშტაბურ სამხატვრო პლენერს ჰპირდება

    ცნობილმა მხატვრებმა ხარაგაულის სოფლების ულამაზესი ხედები მოხატეს. მხატვართა ნამუშევრების გამოფენა ხარაგაულში, დევების შემოსასვლელთან, „შემოდგომის ზეიმით“ დასრულდა.

    10-11 ოქტომბერს ხარაგაულში, რეზო თაბუკაშვილის სახელობის სახალხო ლიტერატურული თეატრის ინიციატივით მხატვართათვის  პლენერი გაიმართა. 

    მხატვრები ხარაგაულის სხვადასხვა სოფლებში ადგილობრივ მცხოვრებლებს ესტუმრნენ და 24 საათის განმავლობაში,  სოფლების პეიზაჟები მოხატეს. გამონაკლისი იყო სოფელ ქროლის სტუმარი, ალექსანდრე ციხელაშვილი, რომელმაც თითქმის მთელი სოფლის ახალგაზრდების პორტრეტები შექმნა და მისი ფანქარი არც გამოფენაზე შეჩერებულა.

    სამხატვრო პლენერის საზეიმო დახურვას ხარაგაულის მუნიციპალიტეტის მაჟორიტარი დეპუტატი ნოდარ ებანოიძე, გამგებელი კობა ლურსმანაშვილი და ადგილობრივი ხელისუფლების სხვა წარმომადგენლები ესწრებოდნენ.
     კობა ლურსმანაშვილი: „ხარაგაულში ასეთი ღონისძიება პირველად ტარდება. დიდი მადლობა სამხატვრო პლენერის ორგანიზებისათვის ქალბატონ იზა ვეფხვაძეს. გამგეობა ყველანაირად შეეცადა ღონისძიება შემდგარიყო. დარწმუნებული ვარ, რომ მომავალში ამ ფორმატის ბევრი ასეთი ღონისძიება ჩატარდება  და ხარაგაულში შექმნილი ნახატების პრეზენტაცია  სხვა ქალაქებშიც გაიმართება“.

    ქალბატონმა, იზა ვეფხვაძემ მადლობა გადაუხადა მხატვრებს ქველმოქმედებისთვის და მუნიციპალიტეტის გამგებელს ბატონ, კობა ლურსმანაშვილს პროექტის მხარდაჭერისათვის. მანვე განაცხადა, რომ მომავალ წელს ხარაგაულს უფრო მასშტაბურ სამხატვრო პლენერს ჰპირდება.

    TBS  არტ გალერეის დირექტორი, ხელოვნებათმცოდნე, ქეთევან კორძახია აღნიშნავს, რომ სამხატვრო პლენერის გამართვა  არაჩვეულებრივი ინიციატივაა.

     ,,ეს სერიოზული წამოწყებაა და ვისურვებდი ასეთმა ღონისძიებებმა რეგულარული ხასიათი მიიღოს.“ - განაცხადა ქეთევან კორძახიამ.

    მხატვართა ნამუშევრები ჩარჩოებში ჩაისმება. იგეგმება ნახატების თბილისში, ცნობილ გალერეაში გამოფენაც. საბოლოოდ კი ნამუშევრები რეზო თაბუკაშვილის სახელობის სახალხო თეატრში დაიმკვიდრებს ადგილს.

      

       

     

    12 ოქტომბერი 2015

    ნანახია: 591 - ჯერ

    ვალუტის კურსი
    3.0811
    3.5183
    4.2162
    4.0213
    Kharagauli.ge © ხარაგაულის მუნიციპალიტეტი