ხარაგაულის საინფორმაციო ვებ გვერდი

ვაშლევის საჯარო სკოლა

დაარსდა 1886 წელს

მასწავლებელი -16

მოსწავლე- 73

ღირსეული ტრადიციების მქონე სკოლის საქმიანობას ღირსეულად აგრძელებს დღევანდელი პედაგოგიური კოლექტივი. ამჟამადსკოლაში არის 16 მასწავლებელი და 73 მოსწავლე. ამ მასწავლებელთაგან 8 მაგისტრია, 5 ბაკალავრი და 3 საშუალო პროფესიული . სკოლას ჰყავს 3 სერთიფიცირებულიმასწვლებელი - ნინოწიქარიშვილი, დარეჯან წიქარიშვილი და ქეთევან გოგოლაძე.

მასწავლებელი დარეჯან ქურციკიძე დაჯილდოვებულია იაკობ გოგებაშვილის საიუბილეო მედლითა და საპატიო სიგელით. მასწავლებელს ციცინო ბუცხრიკიძეს მიღებული აქვს იაკობ გოგებაშვილის საიუბილეო მედალი და ღირსების მედალი საქართველოსპრეზიდენტის 2012 წლის 25 სექტემბრის #25/09102 განკარგულებით.

სკოლის მასწავლებლების ნაყოფიერი შრომის შედეგია , რომ სკოლის მოსწავლეები მონაწილეობას ღებულობენ მოსწავლეთა შემოქმედებით და სხვადასხვა სახის კონკურსებში.

სკოლას დიდი კულტურული ტრადიცია აქვს. სკოლაში მოქმედებს მოზარდმაყურებელთათეატრი (ხელმძღვანელი - ც. ბუცხრიკიძე ) , მუშაობს ეკოლოგიური სექცია ( ხელმძღვანელი - ს. წიქარიშვილი ).

სკოლაში ტარდება მნიშვნელოვანი ღონისძიებები. ვმეგობრობთ სკოლებთან : სამაჩაბლო - თამარაშენი, ერგნეთი, ახალციხის სოფელ ჭაჭარაქის სომხურენოვანი სკოლა.

ვაშლევის საჯარო სკოლის ისტორია

ორჯონიკიძის რაიონი, ბორითის სასოფლო საბჭო, სოფელი ვაშლევი, 1886 წელი, ეკლესიასთან არსებული სამრევლო სკოლა, 4 წლიანი სწავლებით. ასეთი ტიტულით მოევლინა საზოგადოებას ვაშლევის საჯარო სკოლა, რომელიც ემსახურებოდა სოფლების ვაშლევის, საქასრიისა და ამაშუკეთის მოსწავლეებს.

1894 წელს დაწყებითი სკოლა გადაკეთდა 8-წლიან სკოლად.

1978 წელს უგზოობის გამო სკოლა ჩამოიტანეს საავტომობილო გზასთან 100 მეტრში და აშენდა ტიპიური სკოლა სოფელ საქასრიაში შემდეგ მისამართზე - ხარაგაულის რაიონის სოფელ ვაშლევის არასრული სკოლა მდებარე სოფელ საქასრიაში.

ამ წლების განმავლობაში ბევრი ღირსეული თაობა აღზარდეს ცნობილმა დირექტორებმა და ღირსეულმა პედაგოგებმა.

2002 წლის 23 მაისი სკოლის ისტორიაში ჩაიწერება უმნიშვნელოვანეს ფურცლად (დირექტორი ქეთინო ლურსმანაშვილი) . აღინიშნა სკოლის დაარსებიდან 115 წლის იუბილე.