კიდევ ერთი ლამაზი დღე ახალგაზრდებს

დღეს, ხარაგაულის კინოთეატრში მუნიციპალიტეტის საჯარო სკოლის მოსწავლეებისთვის, დავით კლდიაშვილის ნაწარმოების მიხედვით, სპექტაკლი – „დარისპანის გასაჭირი“ (რეჟისორი ირინე ჩხეიძე) იქნა ნაჩვენები.
სპექტაკლი მუნიციპალიტეტის საჯარო სკოლების სურვილით გაიმართა და მას ორგანიზება კულტურის ცენტრმა და ხარაგაულის საგანმანათლებლო რესურსცენტრმა გაუკეთა.
რეჟისორმა ირინე ჩხეიძემ ჩვენთან საუბარში აღნიშნა: „ყველაზე მნიშვნელოვანი თეატრისთვის ისაა, რომ ჩვენ მიერ დადგმული სპექტაკლები ახალგაზრდებმა ნახონ. დიდი ხანია სკოლებთან ვთანამშრომლობთ. სპექტაკლი – „სათაგური“ მუნიციპალიტეტის თითქმის ყველა სკოლამ ნახა. ახლა კი მოსწავლეებს „დარისპანის გასაჭირის“ ნახვის სურვილი გაუჩნდათ. ახალგაზრდები ძალიან კმაყოფილები წავიდნენ და ეს ჩვენთვის ნამდვილი გამარჯვებაა. რა თქმა უნდა, განვაგრძობთ სკოლებთან მუშაობას და ურთიერთობას. სულ მალე, გვექნება, ასევე „თოჯინების თეატრის“ პრემიერა.“
მოლითის საჯარო სკოლის მოსწავლე მარიამ კვინიკაძე: „ყველას ძალიან მოგვეწონა სპექტაკლი – „დარისპანის გასაჭირი“, მოხარული ვიქნები თუ მსგავსი დღები ხარაგაულში ხშირად გვექნება.“
ირინე ჩხეიძის ინფორმაციით, ოთარ აბაშიძის სახელობის სახალხო თეატრი 15 დეკემბერს სპექტაკლს – „დარისპანის გასაჭირი“, თბილისელი მაყურებლისათვის გამართავს.