ხარაგაულში პირველი საახალწლო ღონისძიება თბილისის ფოლკლორულმა ანსამბლმა „იბერი“-მ გამართა

ხარაგაულში პირველი საახალწლო ღონისძიება თბილისის ფოლკლორულმა ანსამბლმა „იბერი“-მ გამართა. კონცერტი ხარაგაულის მინიციპალიტეტის კულტურის, განათლების, სპორტისა და ახალგაზრდობის საქმეთა სამსახურის მოწვევითა და ხარაგაულელი ანი ლაღიძის ორგანიზებით გაიმართა. კონცერტს ხარაგაულის მუნიციპალიტეტის მაჟორიტარი დეპუტატი ნოდარ ებანოიძე და გამგებელი კობა ლურსმანაშვილი ესწრებოდნენ. ჯგუფმა „იბერმა“ ხარაგაულელ მსმენელთა დიდი მოწონება დაიმსახურა. კუთხურ მოტივებზე შექმნილი ხალხური სიმღერები კინოთეატრში მაყურებელთა ოვაციების ფონზე მიმდინარეობდა.