{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • ქართული სოკო დაინტერესებული პირებისთვის ერთკვირიან უფასო ტრენინგებს იწყებს

    სოფლის მეურნეობის სამინისტროს მიერ დაფინანსებული პროექტები, რომლებიც იაფი კრედიტის ფარგლებში საოჯახო მეურნეობების განვითარებას გულისხმობს, ამჟამად ქართული სოკოს განვითარების პროგრამას იწყებს. პროექტი იმერეთის რეგიონიდან დაიწყო და მისი მთავარი მიზანია საოჯახო მეურნეობებით დაინტერესებულ პირებს კალმახა სოკოს მოყვანის უფასო სასწავლო კურსები შესთავაზოს. 21 დეკემებერს „ქართული სოკოს“  გაყიდვების მენეჯერი ხარაგაულის მუნიციპალიტეტის გამგებელს კობა ლურსმანაშვილს  და ადმინისტრაციულ ერთეულებში გამგებლის წარმომადგენლებს  შეხვდა. როგორც გიორგი გვეტაძემ ჩვენთან საუბარში განმარტა კალმახა სოკოს წარმოებით ოჯახს შეუძლია თვენახევარში უკვე შემოსავალი მიიღოს. „სოფლის მეურნეობის სამინისტროსა და ქართული სოკოს ერთობლივი პროექტით, ჩვენი მიზანია განვავავითაროთ საქართველოს რეგიონებში საოჯახო მეურნეობები. კალმახა სოკოს წარმოება ამის ერთ-ერთი კარგი საშუალებაა. იაფი კრედიტის ფარგლებში მოსახლეობას საშუალება ექნება მოიყვანონ სოკო მთელი წლის განმავლობაში და შექმნან საკუთარი მეურნებები მცირე დანახარჯებით. ჩვენ დაინტერესებულ პირებთან კონსულტაციების ჩატარება იმერეთის რეგიონიდან დავიწყეთ. მთავარი მიზანი რისთვისაც ჩვენ დღეს აქ ვიმყოფებით არის ის, რომ მოსახლეობას მივცეთ საშუალება უკვე თებერვლის თვიდან ჩავატაროთ 7 დღიანი უფასო ტრენინგები, რომლის დასრულების შემდეგაც მათ უკვე ექნებათ შესაბამისი ცოდნა როგორ მოიყვანონ სოკო ჩვენი ბრიკეტის გამოყენებით, შექმნან საკუთარი მეურნეობები  და თვენახევრში მიიღონ შემოსავალი. განვმარტავ, რომ კალმახა სოკოს წარმოება საკმაოდ შემოსავლიანი და მაღალმომგებიანი ბიზნესია“.

    სოკოს მოყვანით დაინტერესებულმა პირებმა უნდა შეავსონ სპეციალური სააპლიკაციო ფორმა ვებ გვერდზე www.qartulisoko.ge  და ჩაეწერონ სოკოს მოყვანის კურსებზე. ხოლო ხარაგაულის ადმინისტრაციული ერთეულების წარმომადგენლებს გადაეცათ სპეციალური სააპლიკაციო ფორმები რომლის შევსება დაინტერესებულ პირებს შეეძლებათ. 

     

    22 დეკემბერი 2015

    ნანახია: 1359 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი