ხარაგაულის საბავშვო ბიბლიოთეკაში N2 საჯარო სკოლის მოსწავლეებმა სპექტაკლი ,,ზამთრის ზღაპარი“ წარმოადგინეს

დღეს,  N2 საჯარო სკოლის პედაგოგ ლია სანიკიძისა და საბავშვო ბიბლიოთეკის ორგანიზებით საახალწლო ღონისძიება გაიმართა.  N2 საჯარო სკოლის IV კლასის მოსწავლეებმა მაყურებლებს საახალწლო განწყობა შეუქმნეს სპექტაკლით – „ზამთრის ზღაპარი.“

პედაგოგმა ლია სანიკიძემ ჩვენთან საუბარში აღნიშნა: „თითქმის ერთი თვეა რაც  სპექტაკლზე ვმუშაობთ. ბავშვები ძალიან ღელავდნენ. მათთვის ეს პირველი სპექტაკლია. ძალიან დიდი მადლობა მინდა ვუთხრა ყველას, კულტურის განყოფილებას, საბავშვო ბიბლიოთეკის კოლექტივს, მშობლებს, ბავშვებს. მინდა ყველას მივულოცო დამდეგი შობა-ახალიწელი და წარმატებული წელი ვუსურვომათ.“