{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • საკრებულოს წევრი უჩა ბერაძე ,,სოფლის მხარდამჭერი პროგრამის ფარგლებში“ კიცხის ადმინისტრაციული ერთეულისთვის გამოყოფილ თანხას აპროტესტებს

    დღეს, ხარაგაულის მუნიციპალიტეტის საკრებულოს სხდომა გაიმართა. საკრებულოს წევრებმა დღის წესრიგით გათვალისწინებული შემდეგი საკითხები განიხილეს:
    1.ხარაგაულის მუნიციპალიტეტის თვითმმართველი ერთეულის 2015 წლის ბიუჯეტის შესრულების შესახებ ანგარიშის დამტკიცებისა და შეფასების შესახებ;
    2.ფიზიკური და კერძო სამართლის იურიდიული პირების მფლობელობაში (სარგებლობაში) არსებული მიწის ნაკვეთებზე საკუთრების უფლების აღიარების მუდმივმოქმედი კომისიის მიერ გაწეული მუშაობის შესახებ ანგარიში;
    3. ხარაგაულის მუნიციპალიტეტის საკრებულოს 2014 წლის 28 ივლისის N62 განკარგულებაში ,,ხარაგაულის მუნიციპალიტეტის საკრებულოს მუდმივმოქმედი კომისიების შემადგენლობების დამტკიცების შესახებ“ ცვლილების შეტანის თაობაზე;
    4. ხარაგაულის მუნიციპალიტეტის საკრებულოს 2014 წლის 28 ივლისის N62 განკარგულებაში ,,ხარაგაულის მუნიციპალიტეტის საკრებულოს მუდმივმოქმედი კომისიების შემადგენლობების დამტკიცების შესახებ“ ცვლილების შეტანის თაობაზე;
    5. არასამეწარმეო ( არაკომერციული) იურიდიული პირის „ხარაგაულის კულტურის ცენტრი“-სთვის დაბა ხარაგაულში სოლომონ მეფის ქუჩა N12 -ში მდებარე ხარაგაულის მუნიციპალიტეტის საკუთრებაში არსებული კინო თეატრის შენობა-ნაგებობისა და მასზე დამაგრებული მიწის ფართის სარგებლობის უფლებით უზუფრუქტის წესით გადასაცემად ხარაგაულის მუნიციპალიტეტის გამგებლისათვის თანხმობის მიცემის შესახებ;
    6. ხარაგაულის მუნიციპალიტეტის სოფლებში, „სოფლის მხარდაჭერის პროგრამის“ ფარგლებში განსახორციელებელი პროექტებისათვის გამოყოფილი თანხის განაწილების შესახებ.
    ინფრასტრუქტურის და კეთილმოწყობის სამსახურის უფროსის, მალხაზ ფხალაძის ინფორმაციით „სოფლის მხარადამჭერი პროგრამის“ ფარგლებში ხარაგაულის მუნიციპალიტეტს 685 310 ლარი გამოეყო, აქედან 118 000 ლარი კიცხის საზოგადოებრივი სახლის მშენებლობის დასრულებისთვის მიიმართება, დანარჩენი თანხა კი სოფლებზე, ადგილობრივი მოსახლეობის რაოდენობის მიხედვით გაიცემა.
    აღნიშნულმა საკითხმა, აზრთა სხვადასხვაობა გამოიწვია საკრებულოს წევრებში. კიცხის ადმინისტრაციული ერთეულის დეპუტატმა, უჩა ბერაძემ კიცხისთვის გამოყოფილი 15 000 ლარი გააპროტესტა და აღნიშნა: „წინა წელს გაცილებით მეტი თანხა ჰქონდა გამოყოფილი კიცხს, მართალია აქ საზოგადოებრივი სახლი შენდება, რომელზეც 118 000 ლარი დაიხარჯება, მაგრამ მისი არსებობა დიდ სარგებელს ვერ მოიტანს, მაშინ როცა, კიცხის ადმინისტრაციული ერთეულის მოსახლეობას 15 წუთში შეუძლია იქ არსებული მომსახურება ხარაგაულის ან შორაპნის იუსტიციის სახლებში მიიღოს.“

     

     

    7 მარტი 2016

    ნანახია: 793 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი