{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • განვითარების და სოციალური რეაბილიტაციის ცენტრმა ,,თაირისი“ ხარაგაულის მუნიციპალიტეტის გამგებელთან კობა ლურსმანაშვილთან ხელშეკრულება გააფორმა

    დღეს ხარაგაულის მუნიციპალიტეტის გამგებელსა და ა(ა)იპ განვითარების და სოციალური რეაბილიტაციის ცენტრ „თაირისი“-ს შორის ხელშეკრულება გაფორმდა. ხელშეკრულება ბორის სკოლა პანსიონის ტერიტორიაზე არსებული ფართის აღნიშნული ორგანიზაციისთვის, ორი წლით ვადით უსასყიდლო -უზუფრუქტის წესით გადაცემის ითვალისწინებს.
    ღონისძიებას ესწრებოდა ხარაგაულის რესურსცენტრის უფროსი დავით კიკნაძე, საკრებულოს თავმჯდომარის მოადგილე მანანა ბარბაქაძე, ბორის სკოლა-პანსიონის დირექტორი ჰამლეტ ბერაძე, განვითარებისა და სოციალური რეაბილიტაციის ცენტრის ,,თაირისის“ წარმომადგენლები.
    ,, ხარაგაულში „დღის ცენტრის“ შექმნა მნიშვნელოვანია პროექტია. ხარაგაულის მუნიციპალიტეტის გამგეობა ,,თაირისთან“ თანამშრომლობას მომავალშიც გააგრძელებს და ვფიქრობ ერთობლივი ძალისხმევით ხარაგაულში მრავალი სასიკეთო პროექტი განხორცილედება. ბორის სკოლა პანსიონში რეაბილიტაცია ჩაუტარდა და სათანადოდ მოეწყო შშმ პირებისათვის განკუთვნილი დღის ცენტრის ფართი.ცენტრის საჭირო ინვენტარით აღჭურვისათვის მუნიციპალიტეტის ბიუჯეტში 8 ათასი ლარი გამოიყო. უახლოეს მომავალში შესაძლებელი იქნება, რომ „დღის ცენტრმა“ რეაბილიტირებულ და მოწესრიგებულ ფართში დაიწყოს ფუნქციონირება.“- აღნიშნა შეხვედრაზე მუნიციპალიტეტის გამგებელმა კობა ლურსმანაშვილმა.
    განვითარებისა და სოციალური რეაბილიტაციის ცენტრი ,,თაირისი“ ბორის სკოლა-პანსიონის ბაზაზე, არსებულ დღის ცენტრში შშმ ბავშთა და ზრდასრულთა დღის ცენტრების პროგრამებს განახორციელებს . ასევე ხარაგაულში მცხოვრები შშმ პირთათვის განხორციელდება ბავშვთა ადრეული განვითარების პროგრამები.
    ირინე აბდალაძე ( განვითარებისა და სოციალური რეაბილიტაციის ცენტრი ,,თაირისის“ დამფუძნებელი): ბორის სკოლა პანსიონის ბაზაზე არსებული დღის ცენტრის ფართი გარემონტებული და ადაპტირებულია. უნდა მოეწყოს შიგნით ადაპტირებული ინფრასტრუქტურა. ბატონმა კობამ გამოხატა კეთილი ნება და საჭირო ინვენტარით აღჭურვაში დაგვეხმარება. ამ ფართის სრულად აღჭურვის და ადაპტირების შემდეგ ჯანდაცვის სამინისტროში მისი სოციალური სერვისის მიმწოდებლად დარეგისტრირება მოხდება და „დღის ცენტრი“ ფუნქციონირებას დაიწყება.
    კობა ლურსმანაშვილმა სურვილი გამოთქვა, რომ ბორის სკოლა-პანსიონში არსებული დღის ცენტრის ბაზაზე განხორციელდეს ახალი სოციალური პროგრამა, რომელიც უსინათლოებისათვის ბრაილის შრიფტით სწავლებას ითვალისწინებს. ბორის კოლა-პანსიონის დირექტორის ჰამლეტ ბერაძის ინფორმაციით, შენობაში ამისათვის არის შესაბამისი ფართი, რომელიც რეაბილიტაციას საჭიროებს.
    შეხვედრის დასასრულს ირინა აბდალაძემ მადლობა გადაუხადა გამგებელს კობა ლურსმანაშვილს ნდობისა და მხარდაჭერისათვის. „დიდი მადლობა, რომ ასე ზრუნავთ შშმ პირებზე. თქვენ დიდი წვლილი შეიტანეთ ესოდენ სასიკეთო საქმის განხორციელებაში. გმადლობთ იმისათვის, რომ ჩვენს მიმართ ასეთი მხარდაჭერა და ნდობა გამოხატეთ. დარწმუნებული ვარ, რომ ჩვენ ერთად კიდევ მრავალს სასიკეთო საქმეს გავაკეთებთ.“

     

    17 მარტი 2016

    ნანახია: 615 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი