ხარაგაულის კინოთეატრში „იმერეთის ხმის“ შესარჩევი ტური  გაიმართება

31 მარტს 12:00 სთ-ზე ხარაგაულის კინოთეატრში ფესტივალ „იმერეთის ხმის“ შესარჩევი კონკურსი გაიმართება.  შესარჩევი კონკურსი ორ ასაკობრივ კატეგორიაში ჩატარდება. კონკურსში მონაწილეობა შეუძლიათ 10-იდან 15 წლამდე და 15-იდან 23 წლამდე ასაკის ახალგაზრდებს.

 კონკურსანტმა ქართველი კომპოზიტორის ერთი სიმღერა უნდა შეასრულოს.

კონკურსის მიზანია, ახალგაზრდა ნიჭიერ მომღერალთა აღმოჩენა. შეგახსენებთ,  რომ გასული წლის „იმერეთის ხმის“ გამარჯვებული და მთავარი პრიზის გრან-პრის მფლობელი, ხარაგაულელი სალომე კვირიკაშვილი გახდა.