{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • ხარაგაულში სასკოლო მზაობის ცენტრი გაიხსნება

    სოფელ ნადაბურში ალტერნატიული სკოლამდელი განათლების ჯგუფის გახსნა იგეგმება. ასევე, დაბის N 2 საბავშვო ბაღში 5 წლის ასაკის ბავშვებისთვის სასკოლო მზაობის ცენტრი გაიხსნება. აღნიშნულ პროექტს ხარაგაულში, საერთაშორისო ასოციაცია კივიტას გეორგიკა, პოლონეთის საგარეო საქმეთა სამინისტროს დაფინანსებით და ადგილობრივი თვითმმართველობის პარტნიორობით ახორციელებს. დღეს, საერთაშორისო ასოციაცია კივიტას გეორგიკას სკოლამდელი განათლების პროექტის ხელმძღვანელი ალექსანდრე კალანდაძე, ხარაგაულის მუნიციპალიტეტის გამგებელს, კობა ლურსმანაშვილს და სკოლამდელ დაწესებულებათა გაერთიანების დირექტორს, ირმა სებისკვერაძეს შეხვდა და ის ადგილები მოინახულა, სადაც ალტერნატიული სკოლამდელი განათლების ჯგუფისა და სასკოლო მზაობის ცენტრის გახსნა იგეგმება. ალექსანდრე კალანდაძის თქმით, მსგავსი პროექტი სულ 8 მუნიციპალიტეტში განხორციელდება და ძირითადად შერჩეულია ის დასახლებები სადაც არ არსებობენ სკოლამდელი სააღმზრდელო დაწესებულებები. ალტერნატიული სკოლამდელი განათლების ჯგუფები 3 და 5 წლის ასაკამდე ბავშვებისთვის გაიხსნება, ხოლო სასკოლო მზაობის ცენტრები ისეთ ბავშვებზეა გათვალისწინეული, რომლებიც ასაკის გამო სკოლებში ვერ შედიან. საუბარია იმ ბავშვებზე, რომლებსაც ექვსი წელი სექტემბრიდან დეკემბრის ჩათვლით უსრულდებათ.
    ,,გაფორმდება მემორანდუმი ადგილობრივ თვითმმართველობასა და საერთაშორისო ასოციაცია კივიტას გეორგიკას შორის. პროექტი არის ერთწლიანი და ამ ხნის განმავლობაში ყველანაირ ხარჯს დავაფინანსებთ. ჩვენი რესურსით მოხდება ოთახების გარემონტება და საჭირო ინვენტარით აღჭურვა. გადავამზადებთ პედაგოგებს და მათ სახელფასო ანაზღაურებაზეც ჩვენ ვიზრუნებთ. ერთი წლის შემდეგ კი ვალდებულებას ადგილობრივი ხელისუფლება აიღებს. ხარაგაულში სულ ორი ჯგუფი იქნება და ფუნქციონირებას სექტემბრიდან დაიწყებს. მაისის ბოლოს ვგეგმავთ მასწავლებელთა ტრენინგებს. ზაფხულში მოწესრიგდება ფართი და შევიძენთ საჭირო ინვენტას. საქართველოში სულ 20 ასეთი ჯგუფის გახსნა იგეგმება“ - განაცხადა საერთაშორისო ასოციაცია კივიტას გეორგიკას სკოლამდელი განათლების პროექტის ხელმძღვანელმა ალექსანდრე კალანდაძემ.

     

     

    12 აპრილი 2016

    ნანახია: 571 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი