პროექტში წარჩინებული მონაწილეობისთვის სიგელები გადაეცათ თამარ ლურსმანაშვილს და მარიამ მანჯავიძეს

24 აპრილს, მუსიკალური პროექტი „იმერეთის ხმა“ -2016 დასრულდა. ,,იმერეთის ხმის" მესამე ადგილის მფლობელი ხარაგაულის ,,მოსწავლე-ახალგაზრდობის" სახლის აღსაზრდელი ნინო რამიშვილი გახდა. პროექტში ხარაგაულის მუნიციპალიტეტიდან სამი ახალგაზრდა ნინო რამიშვილი, თამარ ლურსმანაშვილი და მარიამ მანჯავიძე მონაწილეობდნენ. წარჩინებული მონაწილეობისთვის თამარ ლურსმანაშვილსა და მარიამ მანჯავიძეს სიგელები გადაეცათ. ღონისძიებაზე, როგორც 2015 წლის გრან–პრის მფლობელმა, ხარაგაულელმა სალომე კვირიკაშვილმა იმღერა.
პროექტი ,,იმერეთის ხმა“ იმერეთის სამხარეო ადმინისტრაციის მხარდაჭერით მეორე წელია მიმდინარეობს, რომელშიც თორმეტივე მუნიციპალიტეტია ჩართული. წელს კონკურსში 45 ახალგაზრდა მონაწილეობდა.