გამარჯვებული 27 აპრილს „ბაქოს გრან-პრის“ ტურნირში მიიღებს მონაწილეობას

ხარაგაულელმა ზაურ ბერაძემ საბერძნეთის ქალაქ სალონიკში ბერძნული ოლიმპიური ჩემპიონის თავისუფალ ჭიდაობაში, giorgus pozitizis, სახელობის ტურნირში პირველი ადგილი დაიკავა. ზაურ ბერაძე ჩემპიონატში 84კგ. წონით კატეგორიაში მონაწილეობდა. იგი ჭიდაობის თავისუფალი სტილის კატეგორიაში (მწვრთნელი კახა დობორჯგინიძე) 9 წელია ასპარეზობს. ზაურ ბერაძეს არაერთი სხვადასხვა ტურნირებში არაერთი წარმატება აქვს მიღებული.
„დიდი სიხარული იყო ჩემთვის ტურნირში მონაწილება და გამარჯვება. შეჯიბრი მაღალ დონეზე ჩატარდა, გამარჯვებამ რწმენა შემმატა და ვარჯიშს მეტი შემართებით ვაგრძელებ. ჩემი მიზანი ოლიმპიური ჩემპიონის ტიტულის მოპოვებაა. 27 აპრილს მივემგზავრები ბაქოში, სადაც მონაწილეობას მივიღებ ტურნირში „ბაქოს გრან-პრი.“ ვიმედოვნებ, იქაც წარმატებით ვიასპარეზებ“ - აღნიშნა ჩვენთან საუბარში ზაურ ბერაძემ“.