23 ივნისს საერთაშორისო ოლიმპიური დღე აღინინიშნება

23 ივნისს, საერთაშორისო ოლიმპიური დღისადმი მიძღვნილი ოლიმპიური გარბენი ხარაგაულში დევების წყაროდან  დაიწყება და დაბის ტერიტორიაზე, კულტურისა და დასვენების პარკის შესასვლელთან დასრულდება.

ოლიმპიური გარბენის ჩატარებას და მასში მოსახლეობის ჩართულობას გამგეობის კულტურის, განათლების, სპორტისა და ახალგაზრდობის საქმეთა სამსახური გაუკეთებს ორგანიზებას.

ოლიმპიურ რბენაში გამარჯვებულებს და მონაწილეებს  სპეციალური პრიზები და საერთაშორისო ოლიმპიური კომიტეტის სერტიფიკატები გადაეცემათ, სერტიფიკატების მიწოდებას მუნიციპალიტეტბზე საქართველოს ეროვნული ოლიმპიური კომიტეტის იმერეთის რეგიონული ორგანიზაცია უზრუნველყოფს.

  ამ დღესთან დაკავშირებით, მსოფლიოს ყველა ქალაქში ეწყობა მასობრივი მძლეოსნური გარბენი.

2016 წელი ზაფხულის ოლიმპიური თამაშების XXXI წელია.  თამაშებ წელს, ბრაზილიის ერთ-ერთი უდიდესი ქალაქი, რიო დე ჟანეირო უმასპინძლებს. საქართველოში ოლიმპიური რბენის დღის მაღალ დონეზე ჩატარება, გარკვეულწილად, რიო დე ჟანეიროში ქართველი სპორტსმენების მხარდაჭერაც იქნება.