{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • რეზო თაუკაშვილის სახელობის ლიტერატურული თეატრის დირექტორს იზა ვეფხვაძეს ქაქუცა ჩოლოყაშვილის სახელობის „სრულიად საქართველოს ჩოხოსან რაინდთა დასის“ საპატიო წევრის ტიტული მიანიჭეს. საპატიო წევრის ტიტული იზა ვეფხვაძეს საზეიმო  ვითარებაში, საქართველოს ეროვნული გმირის ქაქუცა ჩოლოყაშვილის საფლავზე, დასის გამგეობის თავჯმდომარემ, პროფესორმა გოგი დოლიძემ გადასცა.

    ჩოხოსანთა შეკრება ტრადიციულად, ქაქუცა ჩოლოყაშვილის დაბადების დღეს, 14 ივლისს, მის საფლავთან ხდება.

    ქაქუცა ჩოლოყაშვილის სახელობის ჩოხოსანთა დასს სულ 5 საპატიო წევრი ჰყავს: მსოფლიო ჩემპიონი ნინო სალუქვაძე, რუსეთში მოღვაწე რეჟისორი ოთარ ჯანგიშერაშვილი, ებრაელი პუბლიცისტი აბრამ საპირი და გერმანელი მხატვარი ვერნერ რუდიგერი. მათ შორისაა რეზო თაბუკაშვილის სახელობის ლიტერატურული თეატრის დირექტორი  იზა ვეფხვაძე. 

    იზა ვეფხვაძე: ,,დიდი მადლობა ბატონ გოგი დოლიძეს და ჩოხოსან რაინდთა დასს.
    ქაქუცა ჩოლოყაშვილის საფლავზე, მისსავე დაბადების დღეს, ამ დასის საპატიო წევრად გახდომა არამარტო პატივი, არამედ უდიდესი პასუხისმგებლობაა. მადლობა ასევე ჩემს ხარაგაულელებს, რომლებიც დღეს ჩემს სიხარულს იზიარებდნენ. ჩემს პედაგოგს მერი გიორგიძეს, რომელიც მუდამ ჩემს გვერდითაა და ხარაგაულელ საოცარ ახალგაზრდებს თავიანთ პედაგოგებთან ერთად, მათ არაერთი ემოციური სიმღერა დააგუგუნეს დიდ წინაპართა საფლავებთან.“

    წმ. ანდრია პირველწოდებულის სახელობის სასულიერო გიმნაზიის მგალობელ ბავშვთა გუნდმა (რეგენტი თორნიკე ბაკურაძე) საქართველოს ეროვნული გმირის ქაქუცა ჩოლოყაშვილის საფლავთან სიმღერა „შავლეგო“ შეასრულა.

    ბავშვებმა საგალობლები  აკაკი წერეთლის, ვაჟა - ფშაველას და ნოდარ დუმბაძის საფლავებზეც შეასრულეს. საყურადღებოა, რომ 14 ივლისი ასევე ვაჟა ფშაველასა და  ნოდარ დუმბაძის დაბადების დღეა.  

    ხარაგაულელთა გამგზავრება თბილისში მუნიციპალიტეტის გამგეობამ დააფინანსა.

    15 ივლისი 2016

    ნანახია: 1359 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი