{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • წმინდა ანდრია პირველწოდებულის სახელობის გიმნაზიაში ახალი სასწავლო წელი ნაწილობრივ გარემონტებულ შენობაში დაიწყო

    ხარაგაულის წმინდა ანდრია პირველწოდებულის სახელობის სასულიერო გიმნაზიაში დღეს სასწავლო პროცესი განახლდა.

    სწავლის პროცესის დაგვიანება გიმნაზიის ნაწილობრივი რემონტით იყო გამოწვეული.

    შენობაში სრული რემონტი ჩაუტარდა 8 საკლასო ოთახს, გამოიცვალა კარ-ფანჯარა და კლასებისთვის შეძენილ იქნა ახალი აქსესუარები.

    სასწავლო წლის დაწყება ხარაგაულის გიმნაზიაში ღონისძიებით აღინიშნა. მოსწავლეებს, პედაგოგებს და პირველკლასელებს დღევანდელი დღე მიულოცეს უბისისა და მარგვეთის ეპისკოპოსმა,  მეუფე მელქისედეკმა(ხაჩიძე) და გიმნაზიის დირექტორმა მამა ანტონმა(სულთანიშვილი).

    მეუფე მელქისედეკი(ხაჩიძე): „მინდა მადლობა გადავუხადო ამ სკოლის, მოსწავლეებს, მშობლებს, პედაგოგებს, რომლებიც ზრუნავენ ჩვენი მომავალი თაობების აღზრდისთვის. ქვეყნად ერთი საქართველოა და ისიც ჩვენია. ამ ბავშვებზე დგას ჩვენი მომავალი და უფლება არ გვაქვს რომ მაქსიმუმი არ გავაკეთოთ მათთვის. მადლობა ყველა იმ ადამიანს ვინც თანადგომა გამოხატა ჩვენი სკოლის მიმართ. კეთილი ადამინების გვერდში დგომით ჩვენ შევძელით გიმნაზიის ინფრასტრუქტურის ნაწილის მოწესრიგება. მადლობა ადგილობრივ ხელისუფლებას ფინანსური მხარდაჭერისთვის, მადლობა ყველა იმ ადამიანს, რომელმაც მცირედიც კი გაიღო სკოლისთვის, განსაკუთრებული მადლობა ირაკლი ებანოიძეს, დასაფასებელია მისი ღვაწლი, რადგან დღიდან რემონტის დაწყებისა ის ჩვენს გვერდით იყო და თავადაც მუშაობდა ფიზიკურად.

    ჩემი ეპარქიისა და მთელი მრევლის სახელით კიდევ ერთხელ გილოცავთ სასწავლო წლის დაწყებას, ღმერთმა დალოცვილები და დღეგრძლები გამყოფოთ.  ვიმედოვნებ რომ მომამავლი სასწავლო წელი გიმნაზიაში სრულად გარემონტებულ შენობაში დაიწყება“.

    დღევანდელ ღონისძიებას ხარაგაულის ადგილობრივი ხელისუფლების წარმომადგენლები და საგანმანათლებლო რესურსცენტრის უფროსი დავით კიკნაძე ესწრებოდა, რომელმაც მადლობა გადაუხადა ყელა იმ ადამიანს ვინც წვლილი შეიტანა გიმნაზიის გარემონტებაში და პედაგოგებს, მოსწავლეებს, პირველკლასელებს განათლებისა და მეცნიერების სამინისტროს პირადი მილოცვა გადასცა.

    გიმნაზიაში სასწავლო პროცესის განახლებისადმი მიძღვნილ ღონისძიებაზე სიგელები გადაეცათ წარმატებულ მოსწავლეებს. შესრულდა სიმღერები და საგალობლები.

    ხარაგაულის წმინდა ანდრია პირველწოდებულის სახელობის გიმნაზიაში წელს 13 პირველკლასელი შეუდგა სწავლას.

     

     

      

    17 ოქტომბერი 2016

    ნანახია: 1087 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი