განათლებისა და მეცნიერების სამინისტროს პროგრამა „ჩემი პირველი კომპიუტერის“ ფარგლებში 17 ხარაგაულელი მოსწავლე დასაჩუქრდა

დღეს, განათლებისა და მეცნიერების სამინისტროს პროგრამა „ჩემი პირველი კომპიუტერის“ ფარგლებში. ქ. ზესტაფონში იმერეთის მუნიციპალიტეტების წარჩინებული მოსწავლეები პორტატული კომპიუტერებით დააჯილდოეს.

დაჯილდოების ცერემონიალი ზესტაფონის კულტურისა და შემოქმედების ცენტრში გაიმართა და ხარაგაულიდან 17 წარჩინებული მოსწავლე დასაჩუქრდა.

„Lenovo“-ს ფირმის ნოუთბუქები გადაეცათ:

ანა მაჭავარიანს ( ხარაგაულის №3 საჯარო სკოლა), მარიამ კიკნაძეს (ხარაგაულის №3 საჯარო სკოლა), ნინო ტალახაძეს (ხარაგაულის №3 საჯარო სკოლა), მარიამ  ჭიპაშვილს (ხარაგაულის №2 საჯარო სკოლა), ნონა მაჭავარიანს (ხარაგაულის №2 საჯარო სკოლა), ზურაბ ხაჩიძეს (ხევის საჯარო სკოლა), ნინო ხაჩიძეს (ხევის საჯარო სკოლა), ლაშა გრიგალაშვილს (ხევის საჯარო სკოლა), იაკობ გრიგალაშვილს (ხევის საჯარო სკოლა), ნია ბერაძეს (ბორის საჯარო სკოლა), დეა ბერაძეს (ბორის საჯარო სკოლა), თამარ ლომიძეს (ხუნევის საჯარო სკოლა), ნინო  მაღრაძეს (ვახანის საჯარო სკოლა), თამარ ოკრიბელაშვილს (ვარძიის საჯარო სკოლა), ანზორ მაისურაძეს (კიცხის საჯარო სკოლა), ლანა ჩალხაშვილს (კიცხის საჯარო სკოლა)და გიორგიხიჯაკაძეს (კიცხის საჯარო სკოლა).

ხარაგაულელი მოსწავლეების დაჯილდოებას ხარაგაულის საგანმანათლებლო რესურსცენტრის უფროსი სპეციალისტი თინათინ ბოჭორიშვილი ესწრებოდა, რომელმაც ჩვენთან საუბარში განმარტა, რომ ეს ის მოსწავლეები არიან, რომელთაც საბაზო საფეხური წარჩინებით დაასრულეს და ბოლო სამი წლის განმავლობაში მათი საფეხურის საერთო ნიშანი, დამრგვალების გარეშე, არის 10 ქულა.

მნიშვნელოვანია, რომ გასულ წლებთან შედარებით წარჩინებული მოსწავლეების სტატისტიკა მატულობს. განათლებისა და მეცნიერების სამინისტროს ეს წამახალისებელი აქცია, მოსწავლეებში ერთგვარი მოტივაციის ამაღლებას უწყობს ხელს.

2012-2013 წლებში ხარაგაულიდან 11 წარჩინებული მოსწავლე დაჯილდოვდა, 2013-2014 წლებში - 13, 2014-2015 წლებში - 15, ხოლო წელს - 17 მოსწავლე.