ხელბურთში სასკოლო სპორტული ოლიმპიადა გაიმართა

ხარაგაულის მუნიციპალიტეტში სასკოლო სპორტული ოლიმპიადის შეჯიბრებები გრძელდება. დღეს ა(ა)იპ „სპორტის განვითარებისა და მართვის მუნიციპალურ ცენტრში“ სკოლებს შორის მორიგი შეხვედრა ხელბურთში გაიმართა.
სასკოლო სპორტული ოლიმპიადა სპორტისა და ახალგაზრდობის საქმეთა სამინისტროს ინიციატივით, საქართველოს მასშტაბით იმართება. ოლიმპიადას მუნიციპალიტეტში ორგანიზებას გამგეობის კულტურის, განათლების სპორტისა და ახალგაზრდობის საქმეთა სამსახური, საგანმანათლებლო რესურსცენტრი და ა(ა)იპ „სპორტის განვითარებისა და მართვის მუნიციპალურ ცენტრი“ უკეთებს.
ტურნირში მუნიციპალიტეტის მასშტაბით ბიჭებს შორის N2, N3 და ბორითის საჯარო სკოლის გუნდები იღებდნენ მონაწილეობას.
შეხვედრა შემდეგნაირად დასრულდა:
1. N3საჯარო სკოლა - N2 საჯარო სკოლა 6:5
2. N3 საჯარო სკოლა - ბორითის საჯარო სკოლა 7:1
გოგონებს შორის შეჯიბრში მხოლოდ მესამე საჯარო სკოლის გუნდი იღებდა მონაწილეობას, შესაბამისად, გამარჯვებულიც ეს გუნდი გახდა.
გამარჯვებული გუნდები, აპრილში, იმერეთის რეგიონულ ტურში მიიღებენ მონაწილეობას.