ხარაგაულელი კურსდამთავრებულები სხვადასხვა უმაღლეს სასწავლებლებში განაგრძობენ სწავლას

მიმდინარე სასწავლო წელს ხარაგაულიდან უმაღლეს სასწავლებლებში 91 ახალგაზრდა ჩაირიცხა. მათგან ორი მოსწავლე, დაბის №3 საჯარო სკოლიდან ნინო ჭყოიძე და ვერტყვიჭალის საჯარო სკოლიდან ალექსანდრე ციცქიშვილი 100%-იანი გრანტის მფლობელები გახდნენ. 70% -იანი დაფინანსება ცხრა მოსწავლემ მოიპოვა, ხოლო 50%-იანი დაფინანსებით სწავლას 11 მოსწავლე გააგრძელებს. რაც შეეხება უფასო ფაკულტეტებს მასზე სწავლას 26 ხარაგაულელი დაიწყებს.
ხარაგაულის მუნიციპალიტეტის გამგეობა და გამგებელი ნიკოლოზ თოფურიძე ყველა კურსდამთავრებულს ულოცავს სტუდენტობას და მათ წარმატებულ წლებსა და ნათელ მომავალს უსურვებს.