ხარაგაულში, სოფელ სახვლარში, თქვენთვის DJ Anushkey, DJ E.TaBukashvili, DJ Beka Zakradze, DJ cloo, Rock-Band "On The Road" დაუკრავენ

„ტურიზმის ხელშეწყობის ცენტრის" ორგანიზებით (დირექტორი ბერიკა თურმანიძე), ხარაგაულში სამდღიანი მუსიკალური ფესტივალი გაიმართება. ფესტივალი "ბორჯომ-ხარაგაულის ეროვნული პარკის" ტერიტორიაზე (კერძოდ სოფელ სახვლარში, ზ.დ 1240 მ.) 15 სექტემბერს დაიწყება და 17-ში დასრულდება.
სოფელ სახვლარში, თქვენთვის DJ Anushkey, DJ E.TaBukashvili, DJ Beka Zakradze, DJ cloo, Rock-Band "On The Road" დაუკრავენ. აქედან ორი შემსრულებელი DJ Anushkey და DJ E.TaBukashvili ხარაგაულელია, დანარჩენი კი საქართველოს სხვადასხვა კუთხიდან არიან.
თუ რატომ გადაწყდა მუსიკალური ფესტივალის სოფელ სახვლარში ჩატარება „ტურიზმის ხელშეწყობის ცენტრის" დირექტორი, ბერიკა თურმანიძე ამის ერთ-ერთ მიზეზად საზოგადოებისთვის ხარაგაულის ტურისტული პოტენციალის გაცნობას ასახელებს.
„გვსურს, რომ რაც შეიძლება ბევრმა ადამიანმა მოინახულოს „ბორჯომ-ხარაგაულის ეროვნული პარკი,“ სოფელი სახვლარი, გაეცნონ ხარაგაულის ტურისტულ პოტენციალს. აქედან გამომდინარე, ჩვენი კუთხის პოპულარიზაციის მიზნით ვაწყობთ სხვადასხვა ღონისძიებებს, ლაშქრობებს, ახლა კი მუსიკალურ ფესტივალს ვმართავთ. აღსანიშნავია, რომ ეს იქნება პირველი ფესტივალი დასავლეთ საქართველოში, რომელიც მთაში, ზღვის დონიდან 1240 მეტრზე, ჩატარედება.“

ფესტივალზე დასწრება შეუძლია 16 წლის ზემოთ ნებისმიერ მსურველს;
შეკრების ადგილი: ხარაგაულის ტურიზმის ხელშეწყობის ცენტრის ოფისი;
გასვლა ხარაგაულიდან 15 სექტემბერს, პარასკევს, 12 საათზე;
დაბრუნება 17 სექტემბერს, საღამოს 20 საათზე;
მონაწილეებმა უნდა უზრუნველყონ საკვებით საკუთარი თავი;
სასურველია ფესტივალზე დასწრების მსურველებმა იქონიონ საკუთარი ინვენტარი (კარავი,საძილე ტომარა);
აუცილებელი აღჭურვილობა: საწვიმარი, თბილი ქურთუკი, ქუდი, მზის სათვალე,
სათადარიგო ფეხსაცმელი.

ფესტივალზე დასწრება უფასოა.