გამოკვლევები ხუნევისა და ხევის მოსახლეობას ჩაუტარდა

ხარაგაულის მუნიციპალიტეტის გამგეობის ჯანდაცვისა და სოციალური დაცვის სამსახურის ორგანიზებით, ცენტრალური საავტომობილო მაგისტრალის მიმდებარე სოფლების მოსახლეობას უფასო სამედიცინო გამოკვლევები ჩაუტარდა.
სამსახურის უფროსის, ნანა კიკნაძის ინფორმაციით, პროგრამის ფარგლებში, მოსახლეობას შესაძლებლობა ჰქონდა ჩაეტარებინა მამოგრაფიული (40-დან 70 წლის ჩათვლით) და საშვილოსნოს ყელის გამოკვლევები (25-დან 60 წლის ჩათვლით), პაპ-ტესტი, პათოლოგიის გამოვლენის შემთხვევაში კი კოლპოსკოპია.
კვლევები ხუნევის ამბულატორიაში ბერძნული სამედიცინო ფონდის - ,,ჰიპოკრატეს“ მიერ განხორციელდა.