უფასო სამედიცინო კონსულტაციები მუნიციპალიტეტში მცხოვრები ქალაბატონებისათვის

19-20 და 21 დეკემბერს სარგვეშის ადმინისტრაციულ ერთეულში უფასო სამედიცინო აქცია ჩატარდება.
სამედიცინო აქცია ხარაგაულის მუნიციპალიტეტის საკრებულოს თავმჯდომარის მოადგილის, რუსუდან გიორგაძის ინიციატივით, სარგვეშის ამბულატორიაში ჩატარდება.
„მედ ალფას“ მეან-გენეკოლოგები, ქეთევან გიორგაძე და ირინა გოგიშვილი, უფასო კონსულტაციებს ჩაუტარებენ ხარაგაულის მუნიციპალიტეტში მცხოვრებ ქალბატონებს. აქციის ფარგლებში ქალბატონებს პროფილაქტიკური და ბაქტერიოლოგიური კვლევები ჩაუტარდებათ. კონსულტაციების შემდეგ საჭიროების შემთხვევაში პაციენტები კოლპოსკოპიურ კვლევაზე გაიგზავნებიან.
ექიმები, რომლებიც სამი დღის განმავლობაში გამოიკვლევენ ქალბატონებს სტაციონალური და ამბულატორიული მუშაობის 25 წლიანი გამოცდილება გააჩნიათ.
აქციაში ჩართვა შეუძლია ხარაგაულის მუნიციპალიტეტში მცხოვრებ ნებისმიერ ქალბატონს.