სიახლე ხარაგაულელებისთვის

გაცნობებთ, რომ 19 აპრილიდან  ჩქაროსნული მატარებელი თბილისი-ფოთი, ფოთი-თბილისი, ორივე მიმართულებით, დღეში ორჯერ გაჩერდება ხარაგაულის რკინიგზის სადგურში.

მატარებელი № 872 თბილისი-ფოთი, რომელიც თბილისიდან 08:30სთ-ზე გამოვა ხარაგაულში 10:58სთ-ზე იქნება, ხოლო მატარებელი №871 ფოთი-თბილისი, ხარაგაულში,  21:02 სთ-ზე გაჩერდება. შემდეგი განრიგი - მატარებელი №874 თბილისი-ფოთი თბილისიდან 17:50 სთ-ზე გამოვა და ხარაგაულში 20:17 ს-ზე იქნება.  მატარებელი №873 კი, რომელიც ფოთიდან დილის საათებში გამოვა, ხარაგაულში 10:58 სთ-ზე გაჩერდება.

აღსანიშნავია, რომ ყოველივე ზემოთ აღნიშნულის მისაღწევად, საქართველოს რკინიგზასთან მოლაპარაკებებში, ხარაგაულის მერთან, ნიკოლოზ თოფურიძესთან ერთად, აქტიურად იყო ჩართული საკრებულოს თავმჯდომარის მოადგილე რუსუდან გიორგაძე.