{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • მერიის რა შეთავაზებას არ დაეთანხმა საკრებულოს კომისია

    3 მაისს ხარაგაულის მუნიციპალიტეტის საკრებულოს საფინანსო-საბიუჯეტო და სოციალურ და ჯანდაცვის საკითხთა კომისიების გაერთიანებული სხდომა გაიმართა.

    სხდომაზე განსაკუთრებული ყურადღება დაეთმო მერიის მიერ სოციალური პროგრამების დაფინანსებას.

    სოციალური პროგრამების დაფინანსებაში შესატან  ცვლილებებზე ხარაგაულის მერის მოადგილე თემურ ჩხეიძემ და ჯანდაცვისა და სოციალურ საკითხთა სამსახურის უფროსმა ნანა კიკნაძემ ისაუბრეს.

    „ბოლო პერიოდში ოპერაციების თანადაფინანსებისთვის მოქალაქეთა გაზრდილი მომართვიანობიდან გამომდინარე,  მერიის მოქმედი სოციალური პროგრამებიდან ბიუჯეტით გაწერილი თითოეული თვის ხარჯი, რომელიც განსაზღვრულია 16 ქვეპროგრამისთვის,  მთლიანად  ჭირდება სამედიცინო მომსახურებას. გამომდინარე აქედან, მხოლოდ ერთ კონკრეტულ პროგრამაზე რომ არ ვყოფილიყავით ორიენტირებული, გადავწყვიტეთ, სამედიცინო მომსახურების და მედიკამენტების დაფინანსება  გარკვეული პროცენტით შეგვემცირებინა.

    ცვლილების მიხედვით ონკოლოგიური ოპერაციების, სამედიცინო გამოკვლევებისა და მედიკამენტებისთვის გათვალისწინებული თანხები უნდა შემცირებულიყო. ხოლო ერთჯერადი დახმარებები, რომელიც ადგილობრივი ბიუჯეტიდან მოქალაქეთა განცახდების საფუძველზე გაიცემოდა  - შეჩერებულიყო.

    კონკრეტულად, სამედიცინო დახმარება სოციალურად დაუცველთათვის და სხვა დანარჩენი მოქალაქეებისთვის განისაზღვრება თანაბრად, რადგან  საყოველთაო ჯანდაცვის დიფერენცირებული პაკეტის ამოქმედების შედეგად სოციალურად დაცველებს შეუნარჩუნდათ იგივე პაკეტი, ასევე, სახელმწიფო უფინანსებს ქრონიკულ დაავადებებს 100 000 სარეიტინგო ქულის მქონე მოქალაქეებს“- აღნიშნა ნანა კიკნაძემ.

    თემურ ჩხეიძის განმარტებით, ოპერაციების თანადაფინანსებისთვის მოქალაქეთა დიდი მომართვიანობის გამო, რამდენიმე  სოციალური ქვეპროგრამით სოციალურად დაუცველებიც ისარგებლებენ ისევე, როგორც სხვა მოქალაქეები. „ჩვენ რამდენიმე კვირის განამავლობაში გვქონდა კონსულტაციები და მომართვიანობის სტატისტიკიდან გამომდინარე მივედით იმ გადაწყვეტილებამდე, რომელიც ქალბატონმა ნანამ გაგაცნოთ“ -აღნიშნა თემურ ჩხეიძე.

    მერიის მიერ ზემოთ აღნიშნულ შეთავაზებას კომისიის წევრები არ დაეთანხმენ. როგორც მერიის სოციალურ სამსახურში აცხადებენ, ისინი ერთხელ კიდევ დასხდებიან კომისიის წევრებთან ერთად და დეტალურად განიხილავენ სოციალური პროგრამების დაფინანსების საკითხს.   

     

     

     

     

     

    4 მაისი 2018

    ნანახია: 322 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი