ხარაგაულში ფოტო-ვიდეო სალონი გაიხსნა

ხარაგაულში ფოტო-ვიდეო სალონი გაიხსნა. მცირე მეწარმე „მარიკა ხარატიშვილის“ ბიზნესი პროექტ „აწარმოე საქართველოში“ ფარგლებში დაფინანსდა. ახალგაზრდა წყვილის, გივი კურტანიძისა და მარიკა ხარატიშვილის იდეა, ხარაგაულში აღნიშნული სერვისის არ არსებობამ გაუჩინა და სახელმწიფო პროგრამით მათ მომხმარებელს, საკუთარ ფართში, ფოტო-ვიდეო მომსახურების სრული პაკეტი შესთავაზეს.
წყვილმა 5 ათას ლარიანი გრანტი მოიპოვა, პროექტის თანადაფინანსება კი 1 000 ლარს შეადგენდა. აღნიშნული თანხით მათ ფოტო-ვიდეო კამერა, პრინტერი, კომპიუტერი და ქსეროქსის აპარატი შეიძინეს.
ფოტო-ვიდეო სალონში, რომლის მისამართია სოლომონ მეფის ქ. N 25, გარაჟი, (ტელ: (433) 22 12 15; მობ: 577 60 75 56) მოსახლეობას შეუძლია შემდეგი მომსახურების მიღება: ფოტო-ვიდეო გადაღება და მონტაჟი, ფოტოების დაბეჭდვა და ჩარჩოში ჩასმა, ასევე ქსერო ასლების გადაღება.