მსოფლიო ჩემპიონატზე შოტოკან კარატეში ხარაგაულელი სპორტსმენებიც მიიღებენ  მონაწილეობას

1-3 მაისს ქალაქ თბილისში სპორტის სასახლეში ჩატარდება მსოფლიო ჩემპიონატი შოტოკან კარატეში. ჩემპიონატში ხარაგაულის მუნიციპალიტეტის სახელით "ხარაგაულის სპორტის განვითარებისა და მართვის მუნიციპალური ცენტრის" მოსწავლეები, მარიამ ვეფხვაძე და სალომე გეწაძე მიიღებენ მონაწილეობას. მათ მთელი წლის მანძილზე სარეიტინგო ქულები დააგროვეს და მსოფლიო ჩემპიონატზე მონაწილეობის საგზური მოიპოვეს.
აღნიშნული ჩემპიონატი შოტოკან კარატეს კავშირის ორგანიზებით ტარდება. (საქართველოს კარატეს ეროვნული ფედერაცია, პრეზიდენტი: კახა ბასილია)
წარმატებებს ვუსურვებთ ხარაგაულელ სპორტსმენებს.