{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • ხალი ამბულატორია დაბა ხარაგაულში

     

    დღეს ხარაგაულის ახლადაშენებული ემერჯენს ამბულატორია საქართველოს პრემიერ-მინისტრმა ირაკლი ღარიბაშვილმა, საქართველოს შრომის, ჯანმრთელობისა და სოციალური დაცვის მინისტრთან დავით სერგეენკოსთან და იმერეთის მხარის გუბერნატორთან გივი ჭიჭინაძესთან ერთად ოფიციალურად გახსნა.
    გახსნის ცერემონიალს ასევე ესწრებოდა ხარაგაულის მუნიციპალიტეტის გამგებელი კობა ლურსმანაშვილი, ხარაგაულის მაჟორიტარი დეპუტატი ნოდარ ებანოიძე, საკრებულოს თავმჯდომარე ინგა მაღრაძე, იმერეთის სამხარეო ადმინისტრაციისა და ხარაგაულის ადგილობრივი ხელისუფლების წარმომადგენლები.
    ემერჯენს ამბულატორიის საერთო ფართობი 435 კვადრატული მეტრია და ის როგორც მცირე საოპერაციოს, ასევე - რამდენიმე ადგილიან პალატას მოიცავს. პროექტის ჯამური ღირებულება 548 045 ლარია.
    ახალი სამედიცინო პუნქტის გახსნის შემდეგ, საქართველოს პრემიერ-მინისტრი ირაკლი ღარიბაშვილი ემერჯენს ამბულატორიის მიმდებარე ტერიტორიაზე შეკრებილ მოსახლეობას გაესაუბრა. ადგილობრივებმა პრემიერს ამბულატორიის გახსნისთვის მადლობა გადაუხადეს და განაცხადეს, რომ დღემდე პირველადი სამედიცინო დახმარების მიღება ურთულეს პირობებში უწევდათ. უახლოეს მომავალში, ამბულატორიის გვერდით ორსართულიანი, 15-საწოლიანი მრავალპროფილური კლინიკა გაიხსნება. მთავრობის მეთაურმა ადგილობრივების პრობლემებიც მოისმინა. მოსახლეობას ძირითადად წყალმომარაგების და უმუშევრობის პრობლემა აწუხებს. ხარაგაულის მუნიციპალიტეტის გამგებელმა კობა ლურსმანაშვილმა განმარტა, რომ ხარაგაული წლის ბოლომდე 24-საათიანი წყალმომარაგებით იქნება უზრუნველყოფილი.
    პრემიერ მინისტრი ირაკლი ღარიბაშვილი: ,,ხარაგაულში ახალი ამბულატარიის გახსნა მნიშვნელოვანია, ამ პრობლემის მოგვარება ჩვენი ვალდებულებაა, თუმცა შესაძლებელი იყო ამ საკითხის უფრო ადრე გადაჭრაც. გამგებელი, კობა ლურსმანაშვილი მოწოდებულია, რომ დაეხმაროს თავის რაიონს, რაც ვფიქრობ ყველაზე მთავარია. ერთ დღეში ვერ მოხერხდება ყველა პრობლემის მოგვარება, თუმცა ეტაპობრივად შესაძლებელია მათი აღმოფხვრა. რაც მთავარია, თანმიმდევრობით მივდივართ და გეგმაზომიერ ნაბიჯებს ვდგავთ“. პრემიერ მინისტრმა ირაკლი ღარიბაშვილმა იმედი გამოთქვა, რომ ამბულატორიის ექიმები კვალიფიციური მომსახურებას გაუწევენ მოსახლეობას.

    ნუგზარ ბოლქვაძე (რეგიონალური ჯანდაცვის ცენტრის დირექტორი): ხარაგაულში მიმდინარეობდა ორ ეტაპიანი მშენებლობა. პროექტის პირველი ეტაპი დასრულდა -გადაუდებელი და გეგმიური ამბულატორიის მშენებლობა- აღჭურვა, რომელიც ჯანადაცვის სამინისტროს მიერ იქნა განხორციელებული. ამბულატორია რეგიონალური ჯანდაცვის ცენტრს გადმოგვეცა მართვაში. აქ შეიძლება ყველა სერვისის მიღება, როგორც გეგმიური ისე ამბულატორიული.
    დავით სერგეენკო( ჯანდაცვის მინისტრი ): ხარაგაულში შემდეგ ეტაპზე უფრო მძლავრი სამედიცინო დაწესებულების მშენებლობა - სტაციონარის მოწყობა იგეგმება. აქამდე სამედიცინო მომსახურებისათვის მოსახლეობა ზესტაფონში ან სხვა მუნიციპალიტეტში დადიოდა, საბედნიეროდ ეს პრობლემა უახლოეს მომავალში მოიხსნება.
    კობა ლურსმანაშვილი(ხარაგაულის მუნიციპალიტეტის გამგებელი) : მოხარული ვარ, რომ დღეიდან ხარაგაულის მოსახლეობა შეძლებს ყველა სახის ამბულატორიული მომსახურება ახალ დაწესებულებაში მიიღოს. ეს ცენტრალური და ადგილობრივი ხელისუფლების ერთობლივი მუშაობის შედეგია. მადლობა მინდა გადავუხადო ყველას, ვინც ამ პროექტის განხორციელებაში დაგვეხმარა. განსაკუთრებით ბატონ დავით სერგეენკოს.
    ამბულატორიის მოწყობაში მუნიციპალიტეტმა თავისი წვლილი შეიტანა- ჩვენი დაფინანსებით მოხდა გარე პერიმეტრის მოწესრიგება და შიგა კომუნიკაციების მოწყობა. სამომავლოდ როცა სტაციონარის მშენებლობა დაიწყება, მუნიციპალიტეტი მიმდებარე ტერიტორიის კეთილმოწყობასაც ვუზრუნველყოფთ. ასევე ვიზრუნებთ მოვაგვაროთ ტრანსპორტთან დაკავშირებული პრობლემაც, რათა ყველა ხარაგაულელისთვის ხელმისაწვდომი იყოს საავადმყოფომდე მოსვლა.
    ამბულატორიას ჰყავს 42 თანამშრომელი, მათ დაემატა რეგისტრატორები და ექთნები. ამჯერად მედპერსონალი გადის კვალიფიკაციის ამაღლების კურსებს. 

     

      900 

      

     

    25 აპრილი 2015

    ნანახია: 816 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი