{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • სახელმწიფო დასავლეთსა და რაჭა -ლეჩხუმში აღნიშნული პროექტის ფარგლებში 700-მდე ბიზნეს იდეას დააფინანსებს

     პირველ მაისს ხარაგაულში პროექტის „აწარმოე საქართველოში“  ფარგლებში შეხვედრა გაიმართა. საინფორმაციო შეხვედრა  ა(ა)იპ ,,სკაუტური მოძრაობის ასოციაციი“-ის წარმომადგენლების მიერ ჩატარდა, რომლებმაც დაინტერესებულ მოქალაქეებს  სახელმწიფო პროგრამის ფარგლებში მონაწილეობისა და დაფინანსების შესახებ საკონსულტაციო მომსახურება გაუწიეს და   „აწარმოე საქართველოში“ შესახებ ვრცლად ისაუბრეს.

    როგორც შეხვედრაზე ითქვა პროექტი,  როგორც დამწყებ ასევე არსებულ მეწარმეზე თანამონაწილეობრივი დაფინანსების გაცემას ითვალისწინებს, დაფინასება გაიცემა, როგორც სასოფლო - სამეურნეო, ისე არასასოფლო წარმოებაზე. დაფინასების მაქსიმალური ოდენობაა ერთ მეწარმეზე-5 000 ლარი, ხოლო ორ ან მეტ მეწარმეზე-15 000 ლარი. დაფინანსების მოპოვების შემთხვევაში მეწარმეს უნდა ჰქონდეს მინიმუმ 20%-იანი თანამონაწილეობა ბიზნესში.

    დაფინანსების მოპოვებისათვის საჭიროა ბიზნეს იდეის წარდგენა, რის შემდეგაც გამოვლინდება საუკეთესო- ბიზნესს იდეის ავტორი.   საუკეთესო ავტორები გაივლიან ტრენინგებს, რათა შეადგინონ პროფესიონალური ბიზნეს გეგმა და  მოიპოვონ თანადაფინანსება.

     გამარჯვების შემთხვევაში მეწარმეს ეძლევა  შესაძლებლობა  საკუთარი ბიზნესის საწარმოებლად სახელმწიფოსგან მიიღოს შესაბამისი დაფინანსება.  როგორც შეხვედრაზე აღინიშნა, სახელმწიფო დასავლეთსა და რაჭა ლეჩხუმში აღნიშნული პროექტის ფარგლებში 700-მდე ბიზნეს იდეას დააფინასებს.

    პროექტში ჩართვა შესაძლებელია 18 მაისამდე სპეციალური განცხადების შევსებით, სკაუტური ორგანიზაციის მისამართზე WWW.qartuli.ge-ზე. ტელ 0431242613

     

     

    1 მაისი 2015

    ნანახია: 633 - ჯერ

    ვალუტის კურსი
    3.4186
    4.1392
    4.811
    Kharagauli.ge © ხარაგაულის მუნიციპალიტეტი