ხარაგაულში ოლიმპიური ცეცხლის ესტაფეტა დევების წყაროდან აიღებს სტარტს

19 ივნისს ოლიმპიურ ცეცხლს ხარაგაულის მუნიციპალიტეტი უმასპინძლებს, რომელიც სტარტს 11 საათზე დევების წყაროდან აიღებს. ოლიმპიური ცეცხლი ხარაგაულში კულტურისა და დასვენების პარკში , სპეციალურად მოწყობილ კვარცხლბეგზე აინთება.

დაბა ხარაგაულის ცენტრალურ ქუჩაზე 6–ი მეჩირაღდნე ცეცხლს ერთმანეთს სიმბოლურად გადასცემს. ოლიმპიური ცეცხლის შემოსვლის პარალელურად ხარაგაულის კულტურისა და დასვენების პარკში კონცერტი გაიმართება .
საქართველოში 26 ივლისს ოლიმპიური ჩემპიონატის ოფიციალურ გახსნამდე ოლიმპიური ცეცხლი საქართველოს ყველა ქალაქსა და მუნიციპალიტეტში იმოგზაურებს.