პროექტები ადგილობრივი ბიუჯეტიდან დაფინანსდება

ხარაგაულში კიკნაძის ქუჩაზე მდებარე ორი მრავალბინიანი საცხოვრებელი სახლი გადაიხურება. ანალოგიური სამუშოები განხორციელდება სოფელ წიფის და სოფელ მოლითის მრავალბინიან საცხოვრებელ კორპუსებშიც. აღნიშნული სამუშოების საპროექტო სახარჯთაღრიცხვო დოკუმენტაციის შედგენაზე ტენდერი მუნიციპალიტეტის გამგეობამ 26 ივნისს გამოაცხადა. გამარჯვებული კომპანია უკვე გამოვლენილია. შპს „პროექტმშენ+“ -სთან ხელშეკრულება მუნიციპალიტეტის გამგებელმა, კობა ლურსმანაშვილმა 13 ივლისს გააფორმა. ხარაგაულის  ოთხი მრავალბინიანი საცხოვრებელი სახლის გადახურვა სავარაუდოდ 50 000 ლარი დაჯდება. პროექტები ადგილობრივი ბიუჯეტიდან დაფინანსდება.