„მანდარინები" პირველი ქართულ-ესტონური კინოპროდუქციაა

საქართველოს კულტურის სამინისტროსა და კინემატროგრაფიის ეროვნული ცენტრის ერთობლივი პროექტი „კინოჩვენებები„ რეგიონებში გრძელდება. 30-31 ვლისს და 1-3 აგვისტოს ხარაგაულის კინოთეატრში ქართული მხატვრული ფილმი „მანდარინები“ იქნება ნაჩვენები.

ზაზა ურუშაძის „მანდარინები“  საერთაშორისო პრესის აკადემიამ, საუკეთესო საერთაშორისო ფილმისთვის", ლოს-ანჯელესში გამართულ დაჯილდოების ცერემონიაზე ოქროს სატელიტით დააჯილდოვა. „მანდარინები" პირველი ქართულ-ესტონური კინოპროდუქციაა.

ფილმში მოქმედება აფხაზეთში, ომის დროს ვითარდება. სხვადასხვა ეროვნების, რელიგიური შეხედულებებისა და ურთიერთსაწინააღმდეგო მხარეს მდგომი ადამიანები, ფაქტობრივად, მტრები - ერთმანეთს დაუმეგობრდებიან. ისინი თანდათან ხვდებიან, რომ ერთმანეთთან სამტრო არაფერი აქვთ.