{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • დღეს ბიუროს სხდომაზე 7 სექტემბრის საკრებულოს სხდომაზე გასატან საკითხებზე იმსჯელეს

     

    17 აგვისტოს ხარაგაულის მუნიციპალიტეტის საკრებულოს ბიუროს მორიგი სხდომა გაიმართა. ბიუროს წევრებმა სხდომაზე, ხარაგაულის მუნიციპალიტეტის საკრებულოს 2015 წლის 7 სექტემბრის სხდომის დღის წესრიგზე იმსჯელეს.

    ბიუროს სხდომაზე, ხარაგაულის მუნიციპალიტეტის საკრებულოს მიერ გაწეული მუშაობის შესახებ წარმოდგენილმა ანგარიშმა  დაპირისპირება გამოიწვია. საფინანსო–საბიუჯეტო კომისიის თავმჯდომარემ, ვარლამ ჭიპაშვილმა, „ხარაგაულის მუნიციპალიტეტის საკრებულოს მიერ გაწეული მუშაობის შესახებ ანგარიშიდან“ რამდენიმე სტრიქონის ციტირება მოახდინა. „მისასალმებელი იქნება თუ ჩვენს მიერ მისაღები გადაწყვეტილებებისას ვიხელმძღვანელებთ არა რაიმე ზეგავლენით არამედ რაციონალური და პროფესიონალური მიდგომით. მნიშვნელოვანია გაიზარდოს თითოეული ჩვენგანის დამოუკიდებლობის ხარისხი გადაწყვეტილებების მიღებისას“, – აღნიშნულია ანგარიშში. დეპუტატი  დაინტერესდა თუ რა იგულისხმება დამოუკიდებლობის ხარისხში და ვისზე არიან დამოკიდებული საკრებულოს წევრები. ვარლამ ჭიპაშვილი, ასევე დაინტერესდა, რატომაა 2 საშტატო ერთეული საკრებულოს აპარატში დღემდე ვაკანტური და თუ მისი  საჭიროება არაა რატომ არ უქმდება აღნიშნული შტატები. საკრებულოს თავმჯდომარემ, ინგა მაღრაძემ განმარტა, რომ ვაკანტურ ადგილებზე კადრებს საჭიროების შემთხვევაში დაასაქმებენ და თუ საჭირო გახდა შტატებს დაამატებენ კიდეც.  

    დეპუტატმა ვარლამ ჭიპაშვილმა საკრებულოს თავმჯდომარეს ანგარიშიდან ასევე შემდეგი ამონარიდი  შეახსენა: - „მიუხედავად მრავალი მცდელობისა მუნიციპალიტეტის გამგეობას არ წარმოუდგენია სამართლებლივი აქტების პროექტები საკრებულოში, რის წარმოდგენასაც კანონი ავალდებულებთ მათ“. დეპუტატმა  საკრებულოს თავმჯდომარეს  მოსთხოვა დაესახელებინა ერთი ისეთი სამართლებლივი აქტის პროექტი, რომლის წარმოდგენის ვალდებულებაც მუნიციპალიტეტის გამგეობას  ჰქონდა, მაგრამ ვერ წარმოადგინა. ვალერი ჭიპაშვილის არაერთგზის მოთხოვნისა ინგა მაღრაძემ ვერცერთი ასეთი სამართლებრივი აქტი ვერ დაასახელა.

      ბიუროს სხდომაზე, ფრაქცია „ერთიანი ნაციონალური მოძრაობის“ თავმჯდომარემ, თორნიკე ავალიშვილმა ფრაქციის მიერ გაწეული მუშაობის შესახებ მოხსენება გააკეთა. თორნიკე ავალიშვილი წარმოდგენილ ანგარიშში აღნიშნავს, რომ გამგეობის მხრიდან ხელშეკრულებები იდება გადაუდებელი აუცილებლობით, როდესაც შესაძლებელია მათი პროცედურული გაკეთება.  

    №1 საბავშვი ბაღში დღემდე გაზიფიცირების პრობლემაა. ფრაქცია „ერთიანი ნაციონალური მოძრაობის“ თავმჯდომარე აღნიშნავს, რომ პროექტები კითხვის ნიშნებს ბადებს, როგორც შედგენის, ასევე ხარჯვით ნაწილში.

    ბიუროს სხდომაზე,   დაპირისპირება გამოიწვია ასევე, რეგლამენტის დაცვის საკითხმა.

     საბოლოოდ, ბიუროსსხდომაზე 2015 წლის7 სექტემბრისსაკრებულოსსხდომისდღისწესრიგსკენჭიეყარა.  სხდომაზეშემდეგისაკითხებიგანიხილება:

    1.ხარაგაულის მუნიციპალიტეტის საკრებულოს მიერ გაწეული მუშაობის შესახებ ანგარიში.

    2.ფრაქცია „ერთიანი ნაციონალური მოძრაობის“ მოხსენება გაწეული მუშაობის შესახებ.

     

     

    17 აგვისტო 2015

    ნანახია: 769 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი