{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • პლენერი მხატვრებისთვის....

     

     

     ხარაგაულში, ოქტომბრის თვეში სამხატვრო პლენერი გაიმართება. რეზო თაბუკაშვილის სახელობის ლიტერატურულმა თეატრმა სამხატვრო პლენერისთვის მზადება უკვე დაიწყო. სამხატვრო პლენერის ფარგლებში   არა მარტო დაბის არამედ მთელი ხარაგაულის ხედები მოიხატება. სავარაუდოდ, ყველა სოფელში თითო-ორი მხატვარი გადანაწილდება. პროექტში მონაწილეობას მიიღებენ ხარაგაულელი მხატვრებიც. როგორც იდეის  ავტორი იზა ვეფხვაძე აღნიშნავს,  პროექტზე არავითარი თანხა არ დაიხარჯება და თანამედროვე ცნობილი მხატვრები მოხალისეობრივი განწყობით ჩაერთვებიან პროექტში.

    იზა ვეფხვაძე: - ,, მოგეხსნებათ ხარაგაული ულამაზესი რაიონია, საოცარი ხედებით, ბორჯომ-ხარაგაულის ეროვნული პარკით, შემოდგომა კი განსაკუთრებით მომხიბვლელია. ამ პლენერს არ ექნება კონკურსის სახე,  არ გვეყოლება გამარჯვებული, არც პრემიები იქნება.ეს არის მხოლოდ იმ მხატვრებისთვის, ვისაც უყვარს საქართველოს ამერ-იმერი,ვისაც შეუძლია თავის მარჯვენა სიკეთეს მოახმაროს. ეს მათი მხრიდან, არა მარტო პროფესიული ოსტატობის გამოვლენა, არამედ მათ მიერ გაწეული ქველმოქმედებაც იქნება საქართველოს ერთი უმშვენიერესი რაიონისთვის.“ სამხატვრო პლენერს მასტერკლასების დანიშნულებაც ექნება, ცნობილი მხატვრები თავიანთ გამოცდილებას გაუზიარებენ ხარაგაულის ხატვის პედაგოგებს და ხატვით დაინტერესებულ ახალგაზრდებს.

    ლიტერატურული თეატრი პლენერის მონაწილეებსდაუვიწყარ 2 დღეს ჰპირდება. მხატვრების ტრანსპორტირება , ღამისთევა, კვება აიპი ,,რეზო თაბუკაშვილის სახელობის ლიტერატურურლი თეატრის“მიერ იქნება უზრუნველყოფილი. სამხატვრო პლენერი ორ დღიანია.  მეორე დღეს გამოფენადევებთან ღია ცის ქვეშ მოეწყობა.

    სამხატვრო პლენერის ფარგლებში, ხარაგაულის ქუჩებსა და ხედებზე შექმნილი ნახატების გამოფენა დედაქალაქშიც მოეწყობა.

    შემდგომში ეს კონკურსი ისე როგორც "ოდეონი" ტრადიციულად იქცევა, - აღნიშნავს იზა ვეფხვაძე.

     

     

    10 სექტემბერი 2015

    ნანახია: 695 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი