„სოფლის მხარდამჭერი პროგრამის“ ფარგლებში, ხუნევის ადმინისტრაციულ ერთეულში 47 ათასი ლარი დაიხარჯა

ხარაგაულის მუნიციპალიტეტის ხუნევის ადმინისტრაციულ ერთეულში 5 სოფელი შედის. ხუნევი, გედსამანია, ვერტყვიჭალა, ბჟინევი და ვერტყვილა საკმაოდ მჭიდროდ დასახლებული და შეიძლება ითქვას არამიგრაციული სოფლებია. მიმდინარე წელს, ამ სოფლებში მთლიანობაში, „სოფლის მხარდამჭერი პროგრამის“ ფარგლებში, 47 ათასი ლარი დაიხარჯა. სოფლის მოსახლეობისთვის  სარიტუალო სახლების მშენებლობა პრიორიტეტია. მათთვის ეს გარკვეული კომფორტია. სოფლის პროექტებით, რომელთა შორის ზოგიერთი გარდამავალი იყო და გასულ წელს დაიწყო, წელს რამდენიმე სარიტუალო სახლის მშენებლობა დასრულდა. სოფელ ხუნევში სარიტუალო დარბაზის მოწყობისთვის 3 500 ლარი გამოიყო, გედსამანიაში კი - 6 000 ლარი. ბჟინევში და ვერტყვილაშიც ანალოგიური სამუშაოების შესასრულებლად ჯამში 10 000 ლარი დაიხარჯა.

9 500 ლარი დაიხარჯა ხუნევში, ხოლო 4 500 ლარი ვერტყვიჭალაში საუბნო გზების შეკეთებაზე, სანიაღვრე არხებისა და ხიდ-ბოგირების გაკეთებაზე. ხიდ-ბოგირები მოეწყო ასევე საუბნო გზებზე გედსამანიაშიც, რომლისთვისაც 4 000 ლარი დაიხარჯა. მნიშვნელოვანია, რომ „სოფლის მხარდამჭერი პროგრამის“ ფარგლებში 4 000 ლარი ვერტყვვიჭალის საბავშვო ბაღის რეაბილიტაციისთვის გამოიყო. კონკრეტულად ამ თანხით გარემონტდა ერთი ბავშვთა ჯგუფის ოთახი და ერთიც სამზარეულო. ვეტყვიჭალაში ასევე სოფლის სასაფლაო შემოიღობა, რისთვისაც 1500 ლარი დაიხარჯა. სოფელ ბჟინევში კი 1 000 ლარით სასაფლაომდე მისასვლელი გზა შეკეთდა.  3 000 ლარი დაიხარჯა ვერტყვილაში, ბლიაძეების უბანში, შიდა საუბნო გზების შეკეთებაზე.

ხუნევის ადმინისტრაციულ ერთეულში საერთო ჯამში „სოფლის მხარდამჭერი პროგრამის“ ფარგლებში მასშტაბური ინფრასტრუქტურული პროექტები განხორციელდა, რომლითაც მოსახლეობა კმაყოფილია.