წმ. ანდრია პირველწოდებულის სახელობის გიმნაზიამ წელს 13 პირველკლასელი მიიღო

დღეს ხარაგაულის წმინდა ანდრია პირველწოდებულის სახელობის სასულიერო გიმნაზიაში ახალი სასწავლო წელი განახლდა. სასწავლო წლის დაწყება მოსწავლეებს, მშობლებს და პედაგოგებს უბისისა და მარგვეთის ეპარქიის მეუფე მელქისედეკმა, ხარაგაულის მუნიციპალიტეტის გამგებელმა კობა ლურსმანაშვილმა და საგანმანათლებლო რესურსცენტრის უფროსმა დავით კიკნაძემ პირადად მიულოცეს.  წელს გიმნაზიამ 13 პირველკლასელი მიიღო. ბავშვებს მიესალმა სკოლის დირექტორი მამა ანტონი, რომელმაც მოსწავლეებს და პედაგოგებს განსაკუთრებული მადლობა მოუხადა.  სკოლის სასწავლო ნაწილმა ნათელა დეკანოსიძემ გასული სასწავლო წელი შეაჯამა და სხვადასხვა ოლიმპიადებში გამარჯვებულ გიმნაზიის მოსწავლეებს სიგელები გადასცა. გამგებელმა კობა ლურსმანაშვილმა ერთხელ კიდევ აღნიშნა, რომ ადგილობრივი ბიუჯეტიდან სკოლის რემონტისთის 50 000 ლარი გამოიყოფა. სამუშოები უახლოეს მომავალში უკვე დაიწყება.  პირველკლასელებმა წაიკითხეს ლექსები. მე-12 კლასელმა არჩილ მაისურაძემ სიმბოლურად პირველკლასელთან ერთად გიმნაზიის ეზოში, საქართელოს სახელმწიფო დროშა აღმართა. პირველი ზარი დაირეკა.