დღეს 15:00 საათზე „მხიარული სტარტები“ იწყება 

ხარაგაულის მუნიციპალიტეტის გამგეობის კულტურის, განათლების, სპორტისა და ახალგაზრდობის საქმეთა სამსახურის ინიციატივით „მხიარული სტარტები“ამჯერად ორგანიზაციებს შორის გაიმართება.

 „მხიარულ სტარტებში“  ოთხი გუნდი იღებს მონაწილეობას: ხარაგაულის მუნიციპალიტეტის გამგეობა, ხარაგაულის სპორტის განვითარებისა და მართვის მუნიციპალური ცენტრი, კულტურისა და ტურიზმის ხელშეწყობის ცენტრი.

პროექტის იდეის ავტორის ხათუნა ტაბატაძის ინფორმაციით, გუნდები გენდერულად დაბალანსებული იქნება და გუნდში  4 ბიჭი ითამაშებს და 4 გოგო.

„მხიარული სტარტები“ ხარაგაულის სპორტის განვითარებისა და მართვის მუნიციპალური ცენტრის შენობაში 15.00 საათზე დაიწყება. დღეს,  ნახევარფინალში გასული გუნდები გამოვლინდება, ხოლო გამარჯვებული  გუნდი მომავალ კვირაში . გამარჯვებული გუნდები ფასიანი საჩუქრებით დაჯილდოვდებიან.