გამგებელი კობა ლურსმანაშვილი ადმინისტრაციული ერთეულების წარმომადგენლებს შეხვდა

30 სექტემბერს, ხარაგაულის მუნიციპალიტეტის გამგებელი, კობა ლურსმანაშვილი  ადმინისტრაციული ერთეულების წარმომადგენლებს შეხვდა. შეხვედრაზე, „სოფლის მხარდამჭერი პროგრამის“ ფარგლებში 2016 წლის დასაფინანსებელი პროექტების შესრულებაზე იმსჯელეს. შეხვედრაზე აღინიშნა, რომ სოფლებში მოსახლეობასთან კრებების გამართვა მალევე უნდა დაიწყოს, რათა დროულად გაირკვეს რის გაკეთებას ითხოვს მოსახლეობა მათთვის გამოყოფილი თანხით. 5 ოქტომბრიდან, გამგებილის წარმომადგენლები მოსახლეობასთან შეხვედრებს დაიწყებენ, რათა დროულად გამოიკვეთოს სოფლისთვის პრიორიტეტული თემები და დაიწყოს პროექტების მომზადება.