{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • მოსწავლეები პედაგოგთა ამპლუაში


    დღეს, ხარაგაულის №2 საჯარო სკოლაში მოსწავლეთა თვითმმართველობის დღე აღინიშნა. მოსწავლეთა თვითმმართველობა არჩევითი ორგანოა, რომლის მიზანია უზრუნველყოს მოსწავლეთა ჩართულობა კლასისა და სკოლის მართვაში. თვითმმართველობაში მონაწილეობა მოსწავლეებს პიროვნების თავისუფალ განვითარებაში, თავიანთი უნარ–ჩვევებისა და შესაძლებლობების მაქსიმალურად გამოვლენასა და თვითგამორკვევაში ეხმარება.
    ხარაგაულის №2 საჯარო სკოლის დირექტორი ვალერი გოგნაძე: „10 წელია რაც ეს ტრადიცია გვაქვს. თვითმმართველობის გადაწყვეტილებით, ყოველწლიურად ერთი დღე ეთმობათ მოსწავლეებს, მთლიანად სასწავლო პროცესი მიჰყავთ მათ და მართავენ სკოლას. სასწავლო პროცესის დასრულების შემდეგ გვექნება პედსაბჭო და დღევანდელ მუშაობას შევაჯამებთ. ისე არიან უკვე მოსწავლეები გათვიცნობიერებულნი თვითმმართველობაში, რომ მასწავლებელთა დახმარებაც აღარ სჭირდებათ. ამ დროს, ბავშვები სკოლის ცხოვრებას საკუთარი თვალით ხედავენ, არიან ჩართულები საგაკვეთილო პროცესში და უღვივდებათ მეტი ცოდნის წყურვილი.“
    თვითმმართველობის დღეს სკოლაში ხმათა უმრავლესობით წყდება თუ ვინ იქნება დირექტორი, სასწავლო ნაწილი და ა.შ. თვითმმართველობის წევრები VIII-XII კლასელები არიან.
    დღეს, სკოლის დირექტორობა დავით მაჭავარიანმა შეითავსა. სასწავლო ნაწილი კი ანი აბაშიძე გახლდათ: „მიწევს გავაკონტროლო თუ რა ხდება სკოლაში და დავარეგულირო ცხრილი. ყოველწლიურად სკოლაში გვაქვს სიახლეები, რითაც ბავშვები ეჩვევიან დამოუკიდებლობას და განსაზღვრავენ თავიანთ მომავალს.“
    ქიმიის მასწავლებელი თამარ სულიაური: „თვითმმართველობის დღე ტრადიციულია ჩვენ სკოლაში, ძალიან ლამაზი დღეა მოსწავლეებისათვის, დიდი ენთუზიაზმით ერთვებიან. ასეთი დღები ხელს უწყობს მოსწავლეებში მოტივაციის ამაღლებას. მნიშვნელვანია ასევე ის, რომ ხდება პროფესიის – მასწავლებლობის პოპულარიზაცია.“
    XI კლასის მოსწავლე ნათია კიკნაძე, რომელმაც დღეს ქიმიის მასწავლებლის როლი შეითავსა, ძალიან კმაყოფილია შედეგით. „მასწავლებლის პროფესია ძალიან რთულია, რადგან ერთ გაკვეთილში უნდა ჩაატიო ბევრი რამ. ქიმია არ არის ადვილი საგანი, მაგრამ გაკვეთილმა ნამდვილად კარგად ჩაიარა, ბავშვები აქტიურად მონაწილეობდნენ პროცესში.“

      

     

     

    9 დეკემბერი 2015

    ნანახია: 738 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი