ადგილობრივი ბიუჯეტიდან ცენტრალურ ბიბლიოთეკას 30 000 ლარი ინვენტარის შესაძენად გამოეყო

ხარაგაულის    ცენტრალური ბიბლიოთეკის ახალ შენობას  ინვენტარის  შესაძენად ადგილობრივი ბიუჯეტიდან 30 000 ლარი გამოეყო. ამის შესახებ დეპუტატებმა 20 იანვარს გამართულ საკრებულოს რიგგარეშე სხდომაზე იმსჯელეს.   ხარაგაულის ცენტრალური ბიბლიოთეკისთვის ახალი შენობის რეაბილიტაცია  რეგიონული განვითარების ფონდიდან 92 223 ლარით დაფინანსდა. ხარაგაულის ცენტრალური ბიბლიოთეკის დირექტორი, ნიკოლოზ მაჭავარიანი განმარტავს, რომ აღნიშნული თანხით შენობაში მოეწყობა ცენტრალური გათბობის სისტემა, დამონტაჟდება ახალი თაროები, ასევე შეიძენენ თანამედროვე საოფისე ავეჯს.  ბიბლიოთეკა ახალ შენობაში  გაზაფხულზე, სავარაუდოდ მაისის დასაწყისში გადავა.