სასკოლო მიკროავტობუსის გადაადგილებას არა უხვი ნალექი, არამედ მიკროავტობუსის ტექნიკური გაუმართაობა უშლის ხელს

დამოუკიდებელი გაზეთი ,,ჩემი ხარაგაული“ საკუთარ ვებ გვერდზე სოფელ წიფაში უხვი ნალექის შედეგად შექმნილ რთულ მდგომარეობასთან დაკავშირებით ინფორმაციას აქვეყნებს. მათ მიერ გავრცელებული ინფორმაციით, (ინფორმაცია წიფაში მცხოვრები ქალბატონის აუდიო ჩანაწერს ეყრდნობა), წიფაში თოვლის საფარი ნახევარ მეტრზე მეტს აღწევს და ადგილობრივი ხელისუფლება   სოფელში გზების გაწმენდასმანამ არ აპირებს, ვიდრე თოვლის საფარი 1 მეტრს არ მიაღწევს.

 როგორც ჩვენთან საუბარში  სოფელ წიფის ადმინისტრაციული ერთეულის წარმომადგენელი მაია გაჩეჩილაძე განმარტავს, სასკოლო მიკროავტობუსის გადაადგილებას არა უხვი ნალექი, არამედ მიკროავტობუსის ტექნიკური გაუმართაობა უშლის ხელს. პიროვნებამ, რომელმაც გაზეთ ,,ჩემი ხარაგაულის“ ოფისში დარეკა და დახმარება ითხოვა სავარაუდოდ, სასკოლო მიკროავტობუსის მძღოლის მეუღლე გახლდათ. ჩვენს მიერ მოპოვებული ინფორმაციით,ამ წუთებში სოფელ წიფაში თოვლის საფარი ნახევარ მეტრამდე აღწევს.

ჩვენთან საუბარში მაია გაჩეჩილაძე აღნიშნავს,რომ სამშაბათს 26 იანვარს მას დაუკავშირდა სკოლის მიკროავტობუსის მძღოლი, რომელმაც მას სოფლის შიდა საუბნო გზების გაწმენდა სთხოვა, რაზედაც მაია გაჩეჩილაძემ უპასუხა, რომ თოვლის საფარი იმდენად მცირე იყო(30 სმ),ტექნიკით გაწმენდას არ ექვემდებარებოდა.

მაია გაჩეჩილაძე: ,,ამ დროისათვის წიფაში უპრობლემოდ გადაადგილდება მაღალი გამავლობის ავტომანქანები. 24  საათიან რეჟიმში ვაკონტროლებ სოფელში არსებულ მდგომარეობას, კონტაქტზე ვარ ხარაგაულის ადგილობრივი ხელისფლების წარმომადგენლებთან, უშუალოდ გამგებელთან,  ბატონ კობა ლურსმანაშვილთან. უხვი ნალექის მოსვლის შემთხვევაში, ხარაგაულიდან ამოვა სპეციალური ტექნიკა და გაწმენდითი სამუშაოები ჩატარდება“. - აღნიშნავს მაია გაჩეჩილაძე.