3 მარტს კარდიოლოგები, ენდოკრინოლოგები და ქირურგ-გასტროენტეროლოგები უფასოდ მოგემსახურებიან

3 მარტს,ხარაგაულელებს უფასოდ მოემსახურებიან კარდიოლოგები, ენდოკრინოლოგები და ქირურგი-გასტროენტეროლოგი. საჭიროების შემთხვევაში პაციენტს გადაუღებენ ელექტრო კარდიოგრამას და ექოკარდიოგრამას; გაისინჯება შაქრის ანალიზი სისხლში.
ხარაგაულის მოსახლეობას სამედიცინო მომსახურებას არაინვაზიური კარდიოლოგიის ცენტრი „სისტოლა“ დაშპს „კარდიოექსპრესი“-ს ექიმთა 13 კაციანი ჯგუფი გაუწევს. კარდიოლოგები: თამაზ ორაგველიძე, კონსტანტინე ზარქუა, ნათია ლიპარტელიანი, ნიკა მკალავიშვილი, ნათია ზაბახიძე, თინათინ დარბაიძე, მათა გუჯაბიძე, სოფიო წიქარიშვილი, თამთა ფიფია. ენდოკრინოლოგები: მაია ჩიქობავა, მანანა ბაციაშვილი; გასტროენტეროლოგ-ქირურგი: ლაშა სილოგავა. ჯგუფის ხელმძღვანელია ექიმ-კარდიოლოგი პაატა ქავთარია.
პაციენტთა მიღება მოხდება ბორის სკოლა- პანსიონში (ყოფილი კიცხის სკოლა-ინტერნატის ტერიტორიაზე) 11.30 -დან 17 სთ-მდე
დაბა ხარაგაულის მოსახლეობას უფასოდ მოემსახურება მიკროავტობუსი. მსურველებს შეგიძლიათ მობრძანდეთ გამგეობის შენობასთან და ისარგებლოთ ტრანსპორტით. გასვლა მოხდება დღეში ორჯერ 12სთ-სა და 14სთ-ზე.
(სამედიცინო მომსახურების ჯგუფთან მოლაპარაკებებს საკრებულოს დეპუტატი მარინე ვეფხვაძე გამგებელ, კობა ლურსმანაშვილთან შეთანხმებით აწარმოებს).
მუნიციპალიტეტის საკრებულო და გამგეობა გისურვებთ ჯანმრთელობას!