„აწარმოე საქართველოში“ პროექტის ფარგლებშიხარაგაულში  შეხვედრა გაიმართა  

ხარაგაულის მუნიციპალიტეტს ბიზნესის განვითარების ოფიცრები მირანდა მანაგაძე და ჭაბუკ ჭეიშვილი სტუმრობდნენ. ისინი გამგეობის სხდომათა დარბაზში ბიზნესით დაინტერესებულ მოქალაქეებს შეხვდნენ და დეტალური ინფორმაცია მიაწოდეს მიკრო და მცირე მეწარმეობის ხელშეწყობის სახელმწიფო პროგრამის შესახებ. შეხვედრას ესწრებოდა გამგებლის მოადგილეები: პაატა გოგოლაძე და თემურ ჩხეიძე, გამგებლის წარმომადგენლები და სოფლის მეურნეობს სამინისტროს საინფორმაცი-საკონსულტაციო ცენტრის წარმომადგენლები.
ჭაბუკ ჭეიშვილის განმარტებით, საქართველოს მოსახლეობას ეძლევა საშუალება 15 თებერვლიდან 31 მარტამდე, საკუთარი ბიზნეს იდეა ვებ-გვერდის www.qartuli.ge-ის მეშვეობით წარადგინოს და პროგრამაში ჩაერთოს. სახელმწიფო აღნიშნული პტოექტის ფარგლებში 5 000 დან 15 000 ლარამდე გასცემს თანადაფინანსების სახით. (ერთ მეწარმეზე გაიცემა-5 ათასი ლარის ოდენობით (20% თანამონაწილე), ორზე-10 000 ლარი (20%), ხოლო სამზე-15 000 ლარი). აღნიშნული პროექტი ბიზნესის განვითარების კარგ შესაძლებლობას წარმოადგენს.
ჭაბუკ ჭიშვილი: „მიკრო და მცირე მეწარმეობის ხელშეწყობის პროგრამა მოიცავს რამდენიმე ეტაპს: პირველი ეტაპი გახლავთ ბიზნეს იდეის წარდგენა, შემდეგი-ბიზნეს გეგემის წერის ტრენინგი, თუ პიროვნების მიერ (პიროვნებებმა) წარმოდგენილმა ბიზნეს გეგმამ მოწონება დაიმსახურა, ამ შემთხვევაში გაივლის უფასო ტრენინგს, რადგან ბიზნეს გეგმის წარდგენას ტრენინგი და ინდივიდუალური კონსულტაციები სჭირდება. შემდეგი ეტაპია დამუშავებული ბიზნეს გეგმის წარდგენა, საბოლოოდ, არჩეული ბიზნეს გეგმების თანადაფინანსება.
აღსანიშნავია, რომ თუ პროექტის ფარგლებში ორი ერთნაირი ბიზნეს გეგემაა წარმოდგენილი უპირატესობა ქალბატონს მიენიჭება. ასევე მნიშვნელოვანია, რომ თანადაფინანსების მოპოვებიდან, ექვსი თვეში მაინც უნდა ჰქონდეს ბიზნესს შემოსავალი, ეს ფაქტი აუცილებლად უნდა გაითვალისწინოს პიროვნებამ ბიზნეს გეგმაში. ასევე გასათვალისწინებელია, რომ მეწარმემ, რომელიც აღნიშნული პროგრამაში გაიმარჯვებს თანხა ისევე უნდა დახარჯოს, როგორც ბიზნეს იდეაში ჰქონდა გაწერილი.
მიკრო და მცირე მეწარმეობის ხელშეწყობის ინიციატივა ხორციელდება სახელმწიფო პროგრამის „აწარმოე საქართველოში“ ფარგლებში საქართველოს ეკონომიკისა და მდგრადი განვითარების სამინისტროს მეწარმეობის განვითარების სააგენტოს მიერ.