{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  •  კიცხის საჯარო სკოლა  და ბორის სკოლა-პანსიონი  „ვიცნობდეთ ხარაგაულის“ ზონალური ტურის გამარჯვებულები არიან

     

    12 აპრილს, კიცხის საჯარო სკოლაში „ვიცნობდეთ ხარაგაულის“ მორიგი ზონალური ტური გაიმართა.  ტურში კიცხის, ვარძიის, წყალაფორეთის, ხიდრისა და ბორის საჯარო სკოლები იღებდნენ მონაწილეობას. ჟიურის წევრები იყვნენ გამგებლის მრჩეველი ტურიზმის საკითხებში, მამუკა ჭიპაშვილი,   კულტურის, განათლების, სპორტისა და ახალგაზრდობის საქმეთა სამსახურის წარმომადგენელი, დავით ჩადუნელი, საგანმანათლებლო რესურსცენტრის წარმომადგენელი, აკაკი ლურსმანაშვილი და ა(ა)იპ ტურიზმის ხელშეწყობის ცენტრის დირექტორი ბერიკა თურმანიძე.

    პროექტში ჩართულნი არიან გამგეობის კულტურის, განათლების, სპორტისა და ახალგაზრდობის საქმეთა სამსახური, საგანმანათლებლო რესურსცენტრი და ა(ა)იპ ტურიზმის ხელშეწყობის ცენტრი.

    სკოლებს შორის თანაბარი 43–43 ქულა დააგროვეს კიცხის საჯარო სკოლისა და ბორის სკოლა-პანსიონის გუნდებმა და ფინალში თამაშის უფლება მოიპოვეს.

    კულტურის, განათლების, სპორტისა და ახალგაზრდობის საქმეთა სამსახურის წარმომადგენელის, დავით ჩადუნელის ინფორმაციით,  „ვიცნობდეთ ხარაგაულს“ ტურში მუნიციპალიტეტის 22 სკოლა მონაწილეობს და 132 მოსწავლეა ჩართული. ,,პროექტის იდეა მამუკა ჭიპაშვილს ეკუთვნის და წელს მეორედ გაიმართა. მოსწავლეებმა იციან ბევრი რამ ხარაგაულზე, მაგრამ სასურველია მათ ეს ცოდნა კიდევ უფრო გაიღრმაონ. პროექტი ემსახურება არამარტო კონკურსში გამარჯვებულის გამოვლენას, არამედ მას შემეცნებითი დატვირთვაც აქვს“- ამბობს დავით ჩადუნელი.

    გიორგი მდინარაძე (კიცხის საჯარო სკოლის მოსწავლე):  „ ეს პროექტი, ახალგაზრდებს მეტ საშუალებას გვაძლევს გავიცნოთ საკუთარი რაიონი, მისი ისტორია. ვფიქრობ, რომ კითხვები არც ისე რთული იყო, მათზე პასუხები ყველა ხარაგაულელმა უნდა იცოდეს.“

    გვანცა ბერაძე(ბორის სკოლა–პანსიონის მოსწავლე) : „ამ პროექტში მეორე წელია რაც ვმონაწილეობ. ჩემი აზრით, ძალიან დიდი მნიშვნელობა აქვს ასეთ აქტივობებში მონაწილეობას, რადგან თითოეული მოსწავლე უნდა იცნობდეს თავის რაიონს. იყო საშუალო დონის კითხვები. ვისურვებდი, რომ  მსგავსი ღონისძიებები მომავალშიც გაგრძელდეს.“

    დღეს, „ვიცნობდეთ ხარაგაულის“ შემდეგი საკონკურსო თამაში, კინოთეატრში ხარაგაულის №2, №3, საღანძილის და  ლაშის საჯარო სკოლებსა და წმიდა ანდრია პირველწოდებულის სახელობის სასულიერო გიმნაზიას შორის გაიმართება.

    პროექტის ორგანიზატორები, პროექტის  ტექნიკური მხარდაჭერისათვის მადლობას უხდიან ხარაგაულის კულტურის ცენტრს.

     

     

    13 აპრილი 2016

    ნანახია: 601 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი