{{string}}


სახელი:
E-მაილი
ტექსტი
ხარაგაულის მუნიციპალიტეტი
MUNICIPALITY OF KHARAGAULI
  • საქართველოში 14 აპრილს დედაენის დღე აღინიშნება

     
      14 აპრილს დედაენის დღე აღინიშნება. 1978 წლის 14 აპრილს, თბილისში კომუნისტური პარტიის მიერ, ქართული ენის კონსტიტუციური სტატუსის შეცვლის მცდელობის საპასუხოდ დემონსტრაციები გაიმართა.
      1977 წელს ახალი საბჭოთა კონსტიტუციის მიღების შემდეგ საქართველოს სსრ უზენაესმა საბჭომ შეიმუშავა კონსტიტუციის გეგმა, რომელშიც, 1936 წლის კონსტიტუციისგან განსხვავებით, ქართული ენა კარგავდა სახელმწიფო ენის სტატუსს.
    ახალ კონსტიტიციაში 75–ე მუხლი ასე იყო ფორმულირებული: „საქართველოს სს რესპუბლიკა უზრუნველყოფს ქართული ენის ხმარებას სახელმწიფო და საზოგადოებრივ ორგანოებში, კულტურულ და სხვა დაწესებულებებში და ახორციელებს სახელმწიფო ზრუნვას მისი ყოველმხრივი განვითარებისთვის. საქართველოს სს რესპუბლიკის ყველა ამ ორგანოსა და დაწესებულებაში, თანასწორუფლებიანობის საფუძველზე, უზრუნველყოფილია თავისუფალი ხმარება რუსული, აგრეთვე იმ ენებისა, რომლითაც მოსახლეობა სარგებლობს. რაიმე პრივილეგიები ან შეზღუდვები ამა თუ იმ ენის ხმარებაში არ დაიშვება“.
      14 აპრილს საქართველოს მოსახლეობამ, სტუდენტებმა, ინტელიგენციის წარმომადგენლებმა მასობრივი საპროტესტო გამოსვლა მოაწყვეს და წინ აღუდგნენ საბჭოთა კავშირის გადაწყვეტილებას, საქართველოში ქართული ენის, როგორც სახელმწიფო ენის გაუქმების შესახებ.
      საბჭოთა ხელისუფლება იძულებული გახდა, დემონსტრანტთა მოთხოვნა დაეკმაყოფილებინა და კონსტიტუციის ის ფორმულირება შეენარჩუნებინა, რომელიც ქართულ ენას სახელმწიფო ენად აცხადებდა.

     

    14 აპრილი 2016

    ნანახია: 1338 - ჯერ

    ვალუტის კურსი
    http://www.nbg.ge/rss.php not found!
    Kharagauli.ge © ხარაგაულის მუნიციპალიტეტი