იმერეთის სასკოლო სპორტული ოლიმპიადა დასრულდა

იმერეთის მუნიციპალიტეტებს შორის სასკოლო სპორტული ოლიმპიადა დასრულდა. ხარაგაულის მუნიციპალიტეტის საჯარო სკოლები ოლიმპიადაში მასშტაბურად იყვნენ ჩართულნი. სპორტის სხვადასხვა სახეობებში ხარაგაულელმა ახალგაზრდებმა რამდენიმე საპრიზო ადგილი დაიკავეს. მაგიდის ჩოგბურთში პირველი ადგილი ბორის სკოლა–პანსიონის გუნდმა დაიკავა. პირველი საპრიზო ადგილის მფლობელი გახდა ასევე გეზრბენში ხევის საჯარო სკოლის ვაჟების გუნდი.
ხარაგაულიდან ოლიმპიადაზე მეორე ადგილის მფლობელი სამი სკოლა გახდა. სასკოლო ოლიმპიადაზე კალათბურთში ვერტყვიჭალის საჯარო სკოლის გოგონების გუნდმა მეორე ადგილი მოიპოვა. ასევე, მეორე ადგილის მფლობელები გახდნენ ბადმინტონში №3 საჯარო სკოლის ვაჟების და №2 საჯარო სკოლის გოგონათა გუნდები.
გეზრბენში მესამე ადგილი ხევის საჯარო სკოლის გოგონათა გუნდმა აიღო.
სასკოლო სპორტულ ოლიმპიადაზე რეგიონის მასშტაბით ხარაგაულის მუნიციპალიტეტმა ქუთაისის შემდეგ, გუნდური მეორე ადგილი დაიკავა.
ზაფხულში, პირველ ადილზე გასული ბორის სკოლა–პანსიონისა და ხევის საჯარო სკოლის გუნდები, საქართველოს მასშტაბით სპორტულ ოლიმპიადაში გამარჯვებულ ბავშვებთან ერთად, ორი კვირით, ანაკლიის ბანაკში დაისვენებენ.