ხარაგაულის მუნიციპალიტეტის გამგეობამ გიმნაზიაში მიმდინარე რემონტი 25 ათასი ლარით დააფინანსა

ხარაგაულის წმინდა ანდრია პირველწოდებულის სახელობის გიმნაზიის მოსწავლეები ახალ სასწავლო წელს რეაბიტირებულ შენობაში შეხვდებიან. ამ ეტაპზე, აქტიურად მიმდინარეობს ხარაგაულის გიმნაზიაში სარემონტო სამუშაოები . პროექტის ფარგლებში რვა საკლასო ოთახს ჩაუტარდება კაპიტალური რემონტი. ჭერი, იატაკი და ფანჯრები მთლიანად შეიცვლება. მიმდინარე სარეაბილიტაციო სამუშაოები სწავლის განახლებამდე, 3 ოქტომბრამდე დასრულდება.
გიმნაზიაში სარემონტო სამუშაოები მარგვეთისა და უბისის ეპისკოპოსის მეუფე მელქისედეკისა და ხარაგაულის მუნიციპალიტეტის გამგეობის ფინანსური მხარდაჭერით მიმდინარეობს. ხარაგაულის ადგილობრივი ბიუჯეტიდან გიმნაზიის რემონტისათვის 25 ათასი ლარი გამოიყო. აღნიშნული თანხით საშენი მასალის შეძენა მოხდება, ხოლო რეაბილიტაციის პროცესისათვის სხვა საჭირო ხარჯები მეუფე მელქისედეკის დახმარებით დაფინანსდება.
სამშენებლო- სარემონტო სამუშაოებს მეუფე მელქისედეკის თხოვნით ირაკლი ებანოიძე უძღვება, მასთან ერთად სარეაბილიტაციო სამუშაოებში აქტიურად მონაწილეობს ა(ა)იპ„ხარაგაულკეთილმოწყობის“(დირექტორი დავით ლაცაბიძე) და ა(ა)იპ“ხარაგაულდასუფთავების“ (დირექტორი თემურ ფურცელაძე ) სამსახურები. ასევე- დაინტერესებული მოქალაქეები, რომლებიც კეთილ ნებას გამოხატავენ და თავისი წვლილი შეაქვთ მშენებლობის პროცესში. აღსანიშნავია, რომ გიმნაზიას, ხარაგაულელმა მამუკა არევაძემ ოთხი საკლასო ოთახისათვის მეტალოპლასტმასის ფანჯრები საჩუქრად გადასცა.