ხარაგაულის გოგონათა გუნდი ფინალში ქუთაისის ნაკრებს შეხვდება

12 მარტს კალათბურთში იმერეთის ჩემპიონატზე ხარაგაულის (მწვრთნელი ნუგზარ კაპანაძე და გოჩა ბუაჩიძე) და სამტრედის გოგონათა გუნდებს შორის, ქუთაისში, ნახევარფინალური შეხვედრა გაიმართა.
მატჩი დაძაბულად წარიმართა. ხარაგაულის გუნდმა მხოლოდ მესამე მეოთხედში შეიტანა გარდატეხა და თამაში ანგარიშით 58:37 დაასრულა.
ნახევარფინალურ შეხვედრამდე, ხარაგაულის გოგონათა გუნდმა, ზედიზედ სამჯერ, ბაღდათის, ტყიბულისა და სამტრედიის გუნდები დაამარცხა.
ფინალური შეხვედრა ქუთაისში, 18 მარტს, 13 საათზე გაიმართება, სადაც გოგონები ქუთაისელ თანატოლებს დაუპირისპირდებიან.