მარიამ მანჯავიძემ ფესტივალზე - „იმერეთის ხმა“  მეორე ადგილი დაიკავა

ფესტივალი „იმერეთის ხმა“ ქუთაისის მელიტონ ბალანჩივაძის სახელობის ოპერისა და ბალეტის თეატრში გალა კონცერტით დასრულდა. ფესტივალში იმერეთის ყველა მუნიციპალიტეტი იყო ჩართული.  

ხარაგაულის წარმომადგენელმა მარიამ მანჯავიძემ ფესტივალზე მეორე ადგილი დაიკავა.

ასევე შემდეგ ნომინაციებში გამარჯვებულები გახდნენ ხარაგაულელი კონკურსანტები:

იმერეთის ფეხბურთის ფედერაციის პრეზიდენტის, გოჩა ბანძელაძის რჩეული გახდა თამარ ლურსმანაშვილი.

ლეილა ხიჯაკაძემ მოიპოვა ნომინაცია ფესტივალის „აღმოჩენა“, ხოლო  თამარ ბერაძე დასახელდა საბავშვო სიმღერების საუკეთესო შემსრულებლად.

ფესტივალის ლაურეატი გახდა გიგი ცხადაძე.

 გამარჯვებულები სპეციალური სიგელებითა და საჩუქრებით დაჯილდოვდნენ.

ხარაგაულელი კონკურსანტები ფესტივალში, მერიის კულტურის, განათლების, სპორტისა და ახალგაზრდობის საქმეთა სამსახურის მხარდაჭერით მონაწილეობდნენ.

ფესტივალის „იმერეთის ხმა“ გრან-პრი წყალტუბოს, თეიმურაზ კობახიძის სახელობის სამუსიკოს კოლის, ბავშვთა ვოკალურმა ანსამბლმა მოიპოვა.

მუსიკალური კონკურსი, რომლის მიზანი ქართული სიმღერების პოპულარიზაცია გახლავთ, იმერეთის გუბერნიის მხარდაჭერით, მეოთხე წელია იმართება.